နီဇူလိုင်

Wednesday, February 26, 2014

ဖေဖေနဲ့  ငုပင်လေး

“ ဖေဖေ နဲ့ ငုပင်လေး” မိတ်ဆွေ..။သင်.. ငုပင် တပင် လောက် စိုက်ဖူးခဲ့ ပါသလား..။ကျမကိုယ်တိုင်တော့ မစိုက်ခဲ့ ဖူးပါ..။ဒါပေမယ့်  ကျမဖေဖေ စိုက်ခဲ့ တဲ့  ငုပင်ပေါက် တပင် အကြောင်း ပြောပြချင် လိုက်တာ..။ကျမရဲ့ ကိုယ်ပိုင် ငုပင်လို့  မဆိုနိုင်ပေမယ့်  ကျမတို့  မိသားစု ရဲ့  ကိုယ်ပိုင် ငုပင် လို့ တော့  ပြောလို့ ရမယ် ထင်ပါတယ်..။ဘာဖြစ်လို့ လဲ ဆိုတော့  ဒီငုပင်ကလေးကို ကျမ ဖေဖေ ကိုယ်တိုင်ခက်ခက်ခဲခဲ စိုက် ခဲ့ တာရကိုး..။အယူ သီးတတ်လွန်း တဲ့  မေမေ ရဲ့  ငြူစူ ကန့် ကွက် မှုတွေကို ခေါင်းမာတဲ့ ဖေဖေကပယ်ချ ခဲ့ တယ်..။အိမ်ခြံဝင်းထဲမှာ ငုပင်မစိုက်ကောင်းဘူးလို့  အယူရှိတဲ့ မေမေဟာ ဒီခြံဝင်းကလေးနဲ့  ကျမတို့  အားလုံးကို ရင်နာစွာ ခွဲခွာထားခဲ့ ရတာဟာ တိုက်ဆိုင်မှု တခုလေလား..။ မသိပါ..။ကျမတို့  မသိချင်ခဲ့ ပါ..။ကျမတို့ သိတာက ဖေဖေ တယောက် ဒီ ငုပင်ကလေးကို သေသေချာချာကို ပြုစု ယုယခဲ့ တာ..။သူ သိပ်ချစ်တဲ့  သမီးတွေကို ပြုစု ပျိုးထောင်သလို ပိုးမွေးသလိုကို မွေးခဲ့ တာ.။ဒီ.လို့  ပြောလို့ ရမလား..။မဟုတ်သေးပါဘူး..။ပိုးမွေးခဲ့ သလို မွေးခဲ့ တာ လို့ ပြောဖို့  သင့် တော် ပါမလား..။ဒီ ငုပင်ကလေး ရှင်သန်ဖို့  ဖေဖေ ပိုးကောင်လေးတွေ အများကြီးကို ဖယ်ရှားသုတ်သင် ခဲ့ ရတာပဲ..။ မနက်တိုင်း ငုပင်ပေါက်ကလေး အနားမှာ ထိုင်ခုံပုကလေး တလုံးပေါ်မှာ ထိုင်ရင်း ငုရွက်စိမ်းစိမ်းလေးတွေမှာ ကပ်တွယ် နေတတ်တဲ့  ပိုးဥကလေးတွေကို ဇာဂနာ တချောင်း နဲ့  စိတ်ရှည် လက်ရှည် ဆွဲထုပ် နေတတ်တဲ့ ဖေဖေ ။ နောက်တော့ ဖေဖေနဲအတူသူတိုညီအမတွေပါ..ငုပင်ပေါက်ကလေး ရှင်သန် ဖို့  လိပ်ပြာတွေဥချခဲ့ တဲ့  လိပ်ပြာဥကလေးတွေကို လိုက်ဖယ် တတ်လာတယ်..။လိပ်ပြာကလေးတွေဟာ…အရောင်အသွေးအစုံနဲ့  ချစ်စရာကောင်းသလောက် ငုပင်ပေါက်ကလေးလို အပင်တွေရဲ့  အရွက်ကလေးတွေကို ဖျက်ဆီးတတ်တာကိုတော့..ကျမတို့  မုန်းတယ်..။ကြည့် စမ်းပါဦး..သစ်ရွက်စိမ်းစိမ်းကလေးတွေ ပေါ်မှာ သူတို့ ဥချသွားတဲ့  ပိုးဥဖြူဖြူကလေးတွေက အစီအရီ..။တော်ကြာ..ထွက်ကာစ..အရွက်စိမ်းနုကလေးတွေကို မွစာကြဲ အောင် ကိုက်ဝါးဖျက်ဆီးပစ်တတ်တဲ့ ဘောက်ဖတ် ကလေးတွေ ဖြစ်လာဦးမှာ..။ ဆွဲ နှုတ်..ဆွဲနှုတ်..။ပိုးဥ တွေ… အပင်ဖျက်ပိုးတွေကို ဆွဲနှုတ်။ ဒီလို နဲ့  ငုပင်ကလေး တနေ့ ထက် တနေ့  ပိုပို ကြီးလာတယ်..။အရွက် အခက် တွေ နဲ့  စည်စည် ကားကား…ဖားဖား ဝေေ၀..။ဒါပေမယ့်  ခက်တာက ငုပွင့် ဝါခိုင် မပွင့် နိုင်သေး..။ဖေဖေ အရိပ်တကြည့်  ကြည့်  ကြည့် ခဲ့ တဲ့  ဒီငုပင်ကလေးကား ပွင့် ခဲ လှဘိခြင်း..။ပင်စည် မှာ ဓါးထက်ထက် နဲ့  ရေးထွင်းခဲ့ တဲ့  သံသယရှိသမျှမပွင့် စေရ ..ဆိုတဲ့  ကျိန်စာ တခု ကြောင့် လား..။ဒါတော့ မဖြစ်နိုင်…။ဖေဖေ သည် အကြောင်းအကျိုး မခိုင်ပဲ သံသယ ရှိခဲ လှပါဖိ..။သံသယ ၀င်လျင်လည်း နောက်မဆုပ် တမ်း ။ လေကို ဆန်ရ မလား..။ရေကို ဆန်ရ မလား..။အမှန် တရား သည် တခါတရံ ခါးသီးတတ်တာကို ဖေဖေ မသိမဟုတ်..။သို့ ပေမယ့်  ခါးသီးမှု သည် လည်း တခါတခါ လိုအပ်စွာ ချို မြ တတ်တာကိုး…။ ဘာပဲ ဖြစ်ဖြစ် တနေ့ တော့  သဘာဝ ဓမ္မ အရ ဒီငုပင်ကလေး ပွင့် ရမှာ မလွဲ..။ငုပွင့် ဝါခိုင် တို့ နှင့်  တင့် တယ်ရမည်မှာ မလွဲ..။ထို နေ့ တွင် ဒီ ခြံဝင်းထဲ မှာ မေမေ့ လိုပင် ကျမတို့  သားအဖ တွေ ရှိချင်မှ ရှိနေပေ လိမ့် မည်..။ရှိချင်လည်း ရှိနေလိမ့် မည်..။ဖေဖေ့  ငုပင်ကလေးကတော့  ထိုနေ့ ထိုအခါ တွင် ၀င်းဝင်း ၀ါ အောင် လှပစွာ ပွင့် နေပါလိမ့် ဦးမည်..။ ။

ဆုံနေရက်နဲ့ လွမ်းလေခြင်းများ

ဂျူးရဲ့  ဆုံနေရက် နဲ့  လွမ်းလေခြင်း..။ညီမ မယုရဲ့ ကျေးဇူးနဲ့  ပဲ ဖတ်ရတယ်..။သူကတော့ ဖတ်ပြီး အားမလို အားမရ..ဖြစ်သတဲ့ ..။ဘာပဲဖြစ်ဖြစ် ဂျူးရဲ့  စာအုပ်တွေက တစုံတရာ..ကို စာဖတ်သူတွေ ဆီ ရသစာပေကနေ တဆင့် အရောက်ပို့စမြဲ..မို့ စိတ်ဝင်တစား ရှိလှပါတယ်..။သူ..ဘာ ပေးသလဲ..။သူ့စာအုပ် ထဲက တခြားသူတွေ ဘာရသလဲတော့ မသိ..။လူဆိုတာ တယောက်နဲ့ တယောက် စိတ်ဘ၀င်မှာ လာညိတာချင်း မတူကြတာပဲလေ..။သူ့ဝတ္ထုမှာ ဖြစ်နိုင်ချေ နဲတာတွေ ထောက်ပြစရာတွေ ရှိကောင်းရှိနေမယ်..။ထားလိုက်..၀တ္ထုကိုး....။ဒီ .၀တ္ထုထဲက ကိုယ့်ဘ၀င်ကို လာညိတာတွေတော့ ရှိတယ်..။မျှလိုက်မယ်နော်..။ "...ကလေး ကဗျာတွေဟာ လူမျိုးတမျိုး ရဲ့  စိတ်ဝိဥာဉ်ကို ကြွယ်ဝအောင် ပြုလုပ်ပေးနိုင်ပါတယ်..။ကလေးကဗျာတွေဟာ ယဉ်ကျေးမှုကို သင်ပေးသလို တိုင်းပြည်ချစ်စိတ်ကိုလဲ သင်ပေးနိုင်ပါတယ်..။ကျွန်မတို့ မြန်မာကလေးကဗျာတွေဟာ အဆင့်အတန်း သိပ်မြင့်ပါတယ်..။ရသစုံလင် ရုံ မက အတွေးအခေါ်ကိုပါ ပြင်ဆင်ပေးနိုင်တဲ့  အရည်အသွေးနဲ့  ပြည့်စုံပါတယ်.." ဒါက ဂျူးဝတ္ထု ဇာတ်ကောင် အင်ကြင်းဝေရဲ့  ပြင်သစ်နိုင်ငံမှာ ဖတ်တဲ့  Give me a child until he is seven ဆိုတဲ့  စာတမ်းထဲက တချို့ ပါ..။ဒီစာတမ်းကို ပြန်လှန်မေးခွန်း မေးတဲ့  အထဲက မေးခွန်းတခုက စိတ်ဝင်စားစရာပါ..။မေးတဲ့သူက မြန်မာ.။အင်ကြင်းဝေနဲ့  နှစ်များစွာကွဲကွာနေတဲ့  ဖခင်..။၁၉၈၈အရေးတော်ပုံ အပြီး တိုင်းပြည်ကနေ ထွက်ပြေးလာရတဲ့  နိုင်ငံရေးသမား..။နယ်စပ်ကတဆင့် အမေရိကန်မှာ အခြေချနေသူ..။သူက " မြန်မာနိုင်ငံမှာ ကလေးတိုင်း မူလတန်းအရွယ်မှာ ကဗျာတွေ သင်ရတာပဲ..။ကလေးတိုင်း ကိုယ်ကျင့်သိက္ခာ ထိန်းကြရဲ့ လား..။ကလေးကဗျာတွေဟာ ကလေးတွေ ကောင်းမြတ်မှုအတွက် ဖန်တီး ပုံဖော်ပေးနိုင်တယ်ဆိုရင်...မြန်မာနိုင်ငံရဲ့  လက်ရှိအနေအထားအရ ဘာဖြစ်လို့ အကျင့်ပျက်ခြစားသူတွေ များလွန်းနေတာလဲ" လို့ မေးလိုက်တယ်..။စာရေးသူက... “...ထိုအခါ..အဖြေသည် ပညာရေးစနစ်ဧ။် ချို့ ယွင်းချက်ကို သိသာထင်ရှားစေသည့် ထင်မြင်ချက်မျိုး ဖြစ်လာလေတော့သည်..။ကဗျာကို သင်ကြားသူ ဆရာဆရာမသည်..ကဗျာကို ကလေးတကယ် မြတ်နိုးအောင် သင်ကြားပေးနိုင်ရဲ့ လား..။ကလေးဧ။် မိဘတို့သည် ကလေးကို ခုနစ်နှစ်မတိုင်မီ ကဗျာတွေ ပုံပြင်တွေ နှင့် မိတ်ဆက်ပေးရဲ့ လား..။ဆရာဆရာမလက်ထဲသို့ အပ်လိုက်သော အချိန်သည် အနဲဆုံး..ငါးနှစ်ခွဲမှ ခြောက်နှစ်ခွဲအရွယ် ဖြစ်နေသည်..။ခုနစ်နှစ် အရွယ်အထိ မိဘနှင့်ဆရာဧ။် လုပ်ပိုင်ခွင့် မညီမျှပေ..။မိဘက ငါးနှစ်ခြောက်နှစ် အထိ လုပ်ပိုင်ခွင့် ရှိပြီး ဆရာဆရာမဧ။် လုပ်ပိုင်ခွင့် နည်းပါးရသည့် အထဲ သင်ကြားပုံစနစ်မမှန်ကန်လျှင် ကလေးသည်..စာကို (ကျမကတော့..ကဗျာကိုလို့  ပြင်ချင်ပါတယ်) တာဝန်အရ သင်ယူတာဖြစ်ပြီး နှလုံးသားဖြင့် သင်ယူတတ်ဖို့ အခွင့်အရေး မရနိုင်ပေ..” ဆရာမ ဂျူး ရဲ့  ၀တ္ထုပြီးသောအခါ..ကျမအတွေးထဲတွင် ၀တ္ထုထဲက ဇာတ်လိုက် နှစ်ယောက်ရဲ့  ဆုံနေရက်နဲ့ လွမ်းရခြင်း (ဝေးကွာနေရခြင်း) ထက်..ကျမတို့ ကလေးများရဲ့  ဆုံနေရက် နဲ့  လွမ်းရခြင်းကို ထိထိရှရှ ခံစားရသည်..။ကျမတို့ကလေးတွေမှာ မြန်မာကလေးကဗျာ ကောင်းကောင်းတွေ ရှိသည်..။ကလေးကဗျာကောင်းကောင်းတွေနဲ့  ဆုံနိုင်ခွင့် ရှိသည်..။ဒါပေမဲ့  ကလေးဘယ်လောက်များများသည်..မြန်မာကလေးကဗျာတွေ နဲ့  ဆုံနေရက်နဲ့  လွမ်းနေရပါသလဲ..။ဝေးကွာ နေရပါသလဲ..။....။

Saturday, February 22, 2014

လေးသန်းကြီးနဲ့  စကားပြောခြင်း(၁)

မနေ့က မရောက်တာကြာ နေတဲ့  လေးသန်းကြီး အိမ်ကို ရောက်တယ်..။မရောက်တာ ကြာရတဲ့  အကြောင်းက ရောက်ရင် စိတ်မကောင်းလို့..။လေးသန်းကြီးကို သတိရလို့..။လေးသန်းကြီးအိမ်ကိုရောက်တော့ ညနေတစောင်း..။မှောင်ရီက ဖြိုးဖြိုးဖျဖျ ပျိုးစပြုလို့..။လေးသန်းကြီး အိမ်ရှေ့ တည့်တည့်က နေ မြင်နေရတဲ့  သက်ျမုနိမိုးကောင်း ဘုရားကြီးက မီးရောင်တွေ ထိန်လို့..။ဆည်းဆာရောင်အောက်မှာ တောက်ပစွာ သပ်ပါယ်နေလို့..လေးသန်းကြီးတို့ အိမ်ခန်းကျဉ်းလေး ..(အင်းလေ...အရင်ကတော့ အခန်းကျယ်ကြီးပေါ့..။မြို့ လည်ခေါင်..တန်ခိုးကြီး မြတ်စွယ်တော်ဘုရားကြီးရှေ့ က သင်္ဃန်းပရိက္ခရာဆိုင်ကြီး..။ဝမ်းဇီးရိုး ဖိနပ်ကိုယ်စားလှယ် ဆိုင်ကြီးပေါ့..)ထဲကနေ ဖုန်းနဲ့  ဓါတ်ပုံရိုက်ယူမိတယ်..။

လေးသန်းကြီး အမ ဒေါ်လေးတို့ နှစ်ယောက်က ကိုယ်ဓါတ်ပုံရိုက်တာကို စိတ်ဝင်တစား ကြည့်ကြတော့.. ဒေါ်လေးတို့ကိုလဲ အမှတ်တရ ရိုက်ပေးဖြစ်တယ်..။ဒေါ်လေးတို့ အပျိုကြီး ညီအမကို ဓါတ်ပုံရိုက်ပေးရင်း လေးသန်းကြီးတို့ ကို မကြာမကြာဖမ်းလိုက် လွှတ်လိုက် လုပ်နေချိန်က ကိုရွှေထောက်လှမ်းရေးရဲ့  လွဲချက်ကို သတိရမိတယ်..။လေးသန်းကြီးတို့ ၉၀ လွှတ်တော်ကိုယ်စားလှယ်တွေ ကို ဖမ်းပြီး အိမ်ပြန်ပို့ရင် ..သူတို့က မှတ်တမ်းဓါတ်ပုံရိုက်ယူတယ်..။အိမ်သားတွေ ရော အကုန် ရိုက်တာ..။သူတို့ ပြန်လွှတ်ပေးပါတယ်ပေါ့..။ဒါပေ..ဖမ်းရင်တော့ တခါမှ ဓါတ်ပုံရိုက်ဖို့ သတိမရကြဘူး..။အဲဒီတုန်းက ကိုယ့်မှာ ခုလို ကင်မရာနဲ့  အင်တာနက်နဲ့  ရှိလို့ကတော့ မှတ်တမ်းဓါတ်ပုံတွေ ရဦးမှာနော်..။အဲ..ကိုရွှေထောက်လှမ်းရေး ဆိုတော့ အဲဒီအချိန်က ဘုန်းမီးနေလတောက်ပနေတဲ့  တိုင်းကားပြည်ရွာ အပ်ကျတာက သိအောင်စွမ်းတဲ့  အခုတော့..ခမျာ..ကော်ဖီဆိုင် ဖွင့်ပြီး ပန်းစိုက်စားနေရတဲ့  ပုဂိုလ်ကြီးရဲ့  လက်ပါးစေတပ်သားတွေပေါ့..။အဲဒီ..စစ်ထောက်လှမ်းရေးတွေရဲ့  အထောက်အလှမ်းတွေ ကြားမှာ အတိုက်အခံ နိုင်ငံရေးသမားတွေ ခမျာ သေသူသေ..။ထောင်ကျသူကျ..။အနှိပ်စက်ခံရ လူလုံးမလှ ဘ၀ဆုံးခဲ့  တုန်းခဲ့ ရသူတွေ ဒုနဲ့ ဒေးပေါ့..။အဲဒီနေ့က လေးသန်းကြီးကို ဖမ်းရာက ပြန်ပို့တော့ ဓါတ်ပုံရိုက်ကြတယ်..။လေးသန်းကြီး အမ အပျိုကြီး နှစ်ယောက်က အိမ်ထဲက ထွက်မလာတော့ ခင်ဗျား..ဇနီးကို ခေါ်ဦးလေ..လို့  ကိုရွှေထောက်လှမ်းရေးက ပြောသတဲ့ ..။သူတာဝန်ယူ ဖမ်းဆီးနေတဲ့  နိုင်ငံရေးသမားကို အိမ်ထောင်ရှိလား..မရှိလား..ဆိုတာတောင် မသိရကောင်းလား..ထောက်လှမ်းရေးလုပ်ပြီး ညံ့ရလားဟဲ့ ..လို့ သိတဲ့ သူတွေက အပစ်တင်ကဲ့ ရဲ့ ကြတယ်..။ တချို့ ကလဲ...သူတို့က စီးပွါးရေးသမား.တွေ..သစ်သမားတွေ ..ချဲဒိုင်တွေကို ငွေညှစ်ဖို့ပဲ စိတ်ဝင်စားသူတွေ.လို့  ပြောကြတာကို သွား..အမှတ်ရမိတယ်..။ လေးသန်းကြီးအမ ဒေါ်လေးတို့ ညီအမကတော့ ခေတ်ဆိုးခေတ်ကြပ်ကြီးတလျှောက်လုံး.. မောင်အငယ်ဆုံးလေး လုပ်ကိုင်သမျှ နိုင်ငံရေးခရီးကြမ်းမှာ သူတို့လဲ အလူးလူး အလိမ့်လိမ့်ပေါ့..။ဒါပေ သူတို့ မောင်ငယ်လေးကို ဘယ်တော့မှ မငြူစူ..မငြီးငြူခဲ့ ကြဘူး..။ အပျိုကြီး လူပျိုကြီး မောင်နှမတွေ ချစ်ကြ စည်းလုံးကြသမှ..။မောင်လေးရဲ့  နိုင်ငံရေး မိတ်ဆွေတွေ တသီကြီးကို မနက်တခါ ညတခါ စားသောက်ဖွယ် အစုံအလင်နဲ့  ဧည့်ခံရတာကို ကျေနပ်နေတာ..။နိုင်ငံရေးမိတ်ဆွေတွေ ဆိုတော့ သိတဲ့  အတိုင်း...ငြင်းကြ ခုန်ကြ..။တခါတလေ လက်သီးလက်မောင်း တန်းကြ..။ရေဒီယို တလုံး ကို အလယ်မှာဖွင့်ပေးထားပြီး လာတဲ့  သတင်းကို ဝေဖန်ကြ..။တချို့ ကတော့ သတင်းပြီးမှ ငိုက်နေရာက နိုးလာပြီး..ဒီနေ့ ဘာမုန့်လုပ်ထားသလဲ ဆိုတာကို ကမန်းကတန်း ဖွင့်တုတ်သူလဲ..ပါရဲ့ ..။နောက်ပိုင်းတော့ လေးသန်းကြီးလဲ ကျန်းမာရေး ချို့ တဲ့ ..။စီးပွါးရေး ချို့ တဲ့ ..။လူတွေ အလာကျဲလာတယ်..။ နိုင်ငံရေး ရာသီဥတုကလဲ တဖြေးဖြေးလှိုင်းကြီးလေထန် ..မသာယာ လှဘူးလေ..။ နံရံပေါ်က လေးသန်းကြီး က ဗိုလ်ချုပ်အောင်ဆန်းမိသားစု ဓါတ်ပုံလေးဘေးမှာ..။ ခါတိုင်းလိုပဲ...ပြုံးပြုံးရွှင်ရွှင်..။

“ဟေး..နီနီ..။ဆရာကြီးနေကောင်းလား..။မြို့ ထဲ မှာ...ဘာတွေ ထူးသေးလဲ..” ကိုယ်လဲ..ကောင်းပါတယ်လေးသန်းကြီး..ပေါ့..။ကြားတဲ့  သတင်းလေးတွေ ပြောကြ ဖလှယ်ကြပေါ့..။ဒီနေ့တော့..ကိုယ်ကြားတဲ့  သတင်းတွေကို လေးသန်းကြီးကို ၀မ်းသာအားရ ပြောပြမိတယ်..။ “လေးသန်းကြီးရေ..ပေါင်းတည်က NLD တွေ လွှတ်တော်လေ့လာရေး ခရီးသွားကြသတဲ့ ..။အင်တာနက်မှာ တွေ့ တယ်..။လူတွေ(၁၀၀)ကျော်တယ် ပြောတယ်..” “ဟေ..ဟုတ်လား..။ဘယ်သူတွေ ပါသွားကြလဲ..။ဒေါ်စုနဲ့  တွေ့ ကြရ သတဲ့ လား” “အင်း..ဒေါ်စုနဲ့  တွေ့ နေတဲ့ ပုံတွေ.အင်တာနက်မှာ တွေ့ တယ်...။ပင်နီတိုက်ပုံတွေ ၀တ်ပြီး..သူတို့လဲ ပျော်နေကြမှာပေါ့..။ဘာတွေ ပြောနေလဲတော့ သမီးအင်တာနက်လိုင်းက အသံဖိုင် ဖွင့်မရလို့ မသိဘူး..။ဒေါ်စုနဲ့  တွေ့ တဲ့  ပုံထဲမှာ ဈေးထဲက ၀က်သားလိုင်စင်စီလုပ်တဲ့  ကောင်မလေးရယ်..။ရှေ့ နေဒေါ်ရီဝင်းရယ် တော့ သိတယ်..။ကျန်တဲ့ သူတွေတော့ သမီး မသိဘူး..။ဒေါ်စုကတော့ ထုံးစံအတိုင်း ပန်းလေးတွေဝေနေတာပဲ” “အင်းးးးးးးးးးးကောင်းပါတယ်..။လူဟောင်းတွေ ရော..ဘယ်သူတွေပါတယ်..ကြားလဲ” “ဟာ..လေးသန်းကြီးကလဲ..။မေ့တတ်လိုက်တာ..။လူဟောင်းတွေက သေတဲ့ သူသေ..။အိုတဲ့ သူအို..။ဗဟိုက အထုတ်ခံရထဲက ပြန်မလုပ်တဲ့ သူက မလုပ်..။ပြန်ဖွဲ့ မယ်လုပ်တော့လဲ..ဗဟိုက လာဆက်ထားတဲ့ သူတွေနဲ့  ဗဟိုတိုင်းစည်းတွေ ညစ်ပတ်ပြီး ကလိန်ကျလို့ လေးသန်းကြီးတို့ ဒီလိုလူတွေနဲ့ တော့ နိုင်ငံရေးတွဲမလုပ်ကြတော့ဘူး..ဆိုပြီး..မလုပ်တော့ပဲ နေကြတာလေ..” “အေးကွာ..တလျှောက်လုံး စစ်အာဏာရှင်ကို တိုက်လာတာ..ခံရသမျှ...မမှုပါဘူး..။ကိုယ့်အရိုးနဲ့ ကို ပြန်အထိုးခံရတာတော့ နာတယ်ကွာ” “ အော်..ပြောရဦးမယ်..။လေးသန်းကြီးတို့ ဗဟိုကို မယုံလို့ အဖွဲ့ ပြန်မဖွဲ့ ကြပဲ..။ဒေါ်စုလွတ်လာမှ ဖွဲ့ မယ်ဆိုပြီး နေလာတာကို လေ...ဖေဖေတို့ လေးသန်းကြီးတို့ကို..သတ္တိမရှိရင် မလုပ်ကြနဲ့ ..။သတ္တိရှိတဲ့  သူတို့တွေ ပဲ လုပ်မယ် ဆိုပြီး ..ပြောတဲ့  သူတယောက်လေ..။သိလား..။ပြီးခဲ့ တဲ့ ရက်က သူ့ရွာမှာ စာပေဟောပြောပွဲ လုပ်ဖို့ စီစဉ်သတဲ့ ..။အဲဒါ..သူ့ရွာနားက ဘုန်းကြီးတပါးက တားလို့ ဆက်မလုပ်ရဲတော့..သမီးတို့ မြို့ မှာ အရှက်တွေကွဲလိုက်တာ..။သူ့ သတ္တိက အဲလိုလေ..။၈၈အရေးအခင်းတုန်းကကော သူ့ရွာမှာ သွားရှောင်နေတာတဲ့ ..။သူများတွေကို ပြောတော့စည်းရုံးရေးဆင်းနေတာဆိုပဲ..။စာရေးဆရာမသီတာ (စမ်းချောင်း) ကို သွားဆက်သွယ် ဖိတ်ပေးတဲ့  ပွဲစီစဉ်သူကလဲ..တခြားသူ ဟုတ်ရိုးလား..။အခု စာရေးဆရာနံမယ်ခံထားတဲ့  ပုဂိုလ်ကြီးလေ..။အရင်က သူ့မှာ လုပ်ပိုင်ခွင့်မရှိပဲ နယ်ကျော်ပြီး စည်းရုံးရေးစည်းကမ်းဖောက်ပြီး ပေါင်းတည်က သတ္တိခဲတို့ကို တပည့်မွေးသွားတဲ့  သူကြီးပေါ့..” “ သမီးရေ...တော်တော့...။တခြား စိတ်ချမ်းသာစရာ လေးတွေ ပြောပါဦးဟယ်..” အေးလေ..။ဟုတ်သား..။ငါကလဲ..ငါပါပဲ..။လေးသန်းကြီးကို စိတ်ညစ်စရာတွေ လာပြောမိနေတယ်..။စဉ်းစားစမ်း..။စိတ်ချမ်းသာစရာ..။ပျော်စရာ..။သူတို့ အနာခံလှုပ်ရှားလာတဲ့  အဖွဲ့ ကြီး..။ဘယ်လောက် အောင်မြင်နေတယ်..ဆိုတာ။လူထု ဘယ်လောက် ထောက်ခံနေတယ် ဆိုတာ..။ဒါမျိုးလေးတွေ ရှာစမ်း..။ဟော..သိပြီ..။ “ဟိုတခါ လွတ်လပ်ရေးနေ့  တုံးက ပျော်ပွဲရွှင်ပွဲတွေ ရုံးမှာလုပ်ကြတာ..။လူတွေလဲ လာလိုက်ကြတာ..။ ရုံးက ဈေးရှေ့ တင် ဆိုတော့..ဈေးထဲက အသံတွေ အတိုင်းသားကြားနေရတာလေ..။သမီးကိုတောင် တချို့ က အားရ၀မ်းသာ ပြောသေးတယ်....။ကိုယ့်အဖွဲ့ ဆိုတော့ ကိုယ်အားပေးရတာပေါ့..တဲ့ ..။ဒီမှာ..လက်မှတ်တွေ ၀ယ်ထားတယ်တဲ့ ..။သမီးလဲ..ကောင်းတာပေါ့..။လွတ်လပ်ရေးနေ့  ရံပုံငွေ ဈေးရောင်းပွဲတော်လား..။ အားပေးပါဟယ်..။ဒေါ်စုပုံပါတဲ့  ပြက္ခဒိန်တွေ..တီရှပ်တွေရောင်းတာ လား..ဆိုတော့...မော်တော်ဆိုင်ကယ် မဲဖောက်တာတဲ့ ..။ကံစမ်းမဲ..တဲ့ ..။အဲဒီ အချိန်မှာ ရုံးထဲက နေ အသံချဲ့ စက်ကြီးနဲ့  အော်နေတာ..။မဲနံပါတ် ဘယ်လောက်..။ဘယ်ရွာက..။မော်တော်ဆိုင်ကယ်..မဲပေါက်ပါတယ်..ခင်ဗျားတဲ့ ” “ ဟဲ့  နီနီ..တော်တော့...တော်တော့..။ငါ..နှစ်ခါ ပြန်သေချင်လာပြီ..။ဒါလောက်တောင်.. ဥပဒေကြောင်း နားမလည်ကြဘူးလား..။တော်ပြီဟေ့..။မကြားချင်တော့ဘူး..။သွားမယ်..” ဒေါနဲ့  မာန်နဲ့  ပြောပြောဆိုဆို ဓါတ်ပုံထဲ အမြန်ပြန်ဝင်သွားတဲ့  လေးသန်းကြီးကြောင့်..ကိုယ်လဲ လန့်ဖျပ်ပြီး..အမြန်ပြန်လစ်လာရတယ်..။ဒါပေ...သတင်းထူးထူးဆန်းဆန်းလေးတွေ သိရင်တော့ ခါတိုင်းလိုပဲ လေးသန်းကြီးနဲ့  စကားလာပြောဖြစ်ဦးမယ်..။ ။

Sunday, November 3, 2013

နိယာမ

နိယာမ"

နှစ်ချို့ လှိုင်းဟာ
ကမ်းခြေကိုအလုံးအရင်းနဲ့ လာတော့
လူမြင်ကွင်းမှာ...
အမှိုက် တွေဟာ
ခေါင်းပေါင်းစတလူလူ
ပုဝါစ တလွှားလွှား..

လှိုင်းအပြန်
ကမ်းခြေမှာ
နှုံးတင်ကျန်ခဲ့ 
အသံမဲ့ 

(နီဇူလိုင်)
၃.၁၁.၁၃

Tuesday, October 8, 2013

အပိုဘာသာ..မပိုစေလိုပါ

၂၀၁၃-၁၄ စာသင်နှစ်မှာ တနိုင်ငံလုံးက အခြေခံပညာ မူလတန်းကျောင်းတွေမှာ စိုက်ပျိုးရေးဘာသာကို အပိုဘာသာရပ်တခု အနေနဲ့  သင်ကြားကြရတယ်..။ဟိုးတုန်းကတော့ အခြေခံပညာ ကျောင်းတွေမှာ ပန်းချီ ဆရာတွေ၊အားကစားဆရာတွေကို သီးသန့်ခန့်ပြီး ပန်းချီတို့ အားကစားတို့ကို ကျောင်းသားတွေရဲ့  ဗလငါးတန်ဖွံ့ ဖြိုးစေဖို့ သင်ကြားပေးခဲ့ ကြတယ် လို့လဲ ကြားဖူးပါတယ်..။အခု စိုက်ပျိုးရေးဘာသာ အတွက်တော့ သီးသန့်စိုက်ပျိုးရေး ဆရာတွေ ခန့်ထားတာ မတွေ့ သေးပါဘူး..။နီးစပ်ရာ မူလတန်းကျောင်းကလေးတွေကို ရောက်တိုင်း ဆရာဆရာမတွေကို မေးကြည့်တော့ စိုက်ပျိုးရေးဘာသာကို စာမေးပွဲ မစစ်ပါဘူးတဲ့ ..။ဒါပေမဲ့  ကျောင်းသားတွေကို အခမဲ့  ဖြန့်ဝေထားတဲ့  အခြေခံစိုက်ပျိုးရေးဘာသာ စာအုပ်တွေရဲ့  နောက်ဆုံးမှာတော့ စာမေးပွဲ စစ်ဆေးရန် မေးခွန်းများ ဆိုတာ ပါတယ်..။ဘယ်လောက် အတိုင်းအတာ အထိ စစ်ဆေးမယ် ဆိုတာတော့ မသိပါ..။

အခြေခံပညာ မူလတန်း အဆင့်ရဲ့  အတန်းတိုင်းအတွက်..စိုက်ပျိုးရေးဘာသာ ရပ် စာအုပ်တွေကို စက္ကူသားကောင်းကောင်း ရောင်စုံ အရုပ်တွေနဲ့  ငွေကုန်ကြေးကြ အတော်ခံရိုက်နှိပ်ပြီး ကျောင်းသူကျောင်းသားတွေကို ပေးဝေထား ပါတယ်..။စိတ်ဝင်စားလို့  စိုက်ပျိုးရေးဘာသာ စာအုပ်ကလေးတွေကို ယူကြည့်မိပါတယ်..။သင်ရိုးတွေက စိုက်ပျိုးရေးဘာသာရပ် သင်ရိုး အနေနဲ့  အတော် ပြည့်စုံပါတယ်..။ဒါပေမဲ့  မူလတန်းအဆင့်ကလေးတွေ အတွက် ၀န်ထုပ်ဝန်ပိုး ဖြစ်နေတာကို တွေ့ ရပါတယ်..။ တကယ်တော့ ဒီစာအုပ်မျိုးဟာ လက်တွေ့ လုပ်ဆောင်နေရတဲ့  တောင်သူလယ်သမားတွေ လက်ထဲ ပို့ရင် ပိုအကျိုးရှိမဲ့ စာအုပ်တွေပါ..။စာအုပ်ရှေ့ ဆုံးက ဆရာများအတွက် အမှာစာ နံပတ်စဉ် (၄)မှာ..

“ ၄။အခြေခံ စိုက်ပျိုးရေးပညာ ကျောင်းသုံးစာအုပ်ကို အခမဲ့ ဖြန့်ဝေခြင်း ဖြစ်ပါသည်..။မူလတန်းအဆင့် အခြေခံ စိုက်ပျိုးရေး ပညာ သင်ကြားခြင်းသည် အပင်တပင် စိုက်ပျိုးနည်းကို သိဖို့ တတ်ဖို့ထက် အခြေခံစိုက်ပျိုးရေး ပညာကို ကျောင်းသားလူငယ်များ ရင်းနှီးကျွမ်းဝင်ပြီး သင်ယူလေ့လာလိုစိတ် နိုးကြားဖြစ်ပေါ်လာစေရန်နှင့် ခေတ်မီ စိုက်ပျိုးနည်းစနစ် ဆိုင်ရာ သတင်းအချက်အလက်များ မိဘထံရောက်ရှိပြီး လက်တွေ့  အသုံးပြုစေရန် အထိ ရည်ရွယ်ပါသည် ..လို့  ရေးထားပါတယ်..။

ဒီစာအုပ်ကို အခြေခံပညာ သင်ရိုးညွှန်းတမ်း ၊သင်ရိုးမာတိကာ ၊ကျောင်းသုံးစာအုပ် ကော်မတီနှင့် ရေဆင်း စိုက်ပျိုးရေး တက္ကသိုလ်တို့ ပူးပေါင်း ပြုစုတယ် လို့  ရေးထားပါတယ်..။ရည်ရွယ်ချက်က တချက်တည်း နဲ့ 

ငှက် နှစ်ကောင် ပစ်လိုက်တာပါ..။မူလတန်းကလေးတွေကို စိုက်ပျိုးရေး အခြေခံသိစေရန်နဲ့  မိဘများပါ တခါတည်း စိုက်ပျိုးရေး ပညာပေးချင်တာပါ..။ဒါပေမဲ့ ..တနိုင်ငံလုံးအတိုင်းအတာနဲ့  ပြဌာန်းလိုက်တာမို့ လယ်ယာစိုက်ပျိုးရေးနဲ့  မနီးစပ်တဲ့ .. မြို့ နေ မူလတန်းကလေးတွေ အတွက်ကတော့ ဒီပစ်လိုက်တဲ့  ခဲက တော်တော် လေးလံဒဏ်ပိစေမယ်လို့ ထင်ပါတယ်...။တောရွာ နေကလေးများအတွက် ကြည့်လိုက်ရင်လဲ..ကလေးနဲ့  မမျှတ တဲ့  သင်ရိုးတွေ ဖြစ်နေတာမို့....ကလေးတွေကို စိုက်ပျိုးရေးပညာကို ရင်းနှီးကျွမ်းဝင်လိုစိတ်မဖြစ်ပဲ ကြောက်မက်ငြီးငွေ့ ဖွယ် ဘာသာကြီး တခုလို မြင်သွားနိုင်ပါတယ်..။သင်ယူလေ့လာလိုစိတ် နိုးကြားဖြစ်ပေါ်စေဖို့ လက်တွေ့ ကွင်းဆင်း သင်ယူဖို့  ကျောင်းတိုင်းမှာ အခွင့်အရေး..မရရှိ မနီးစပ် နိုင်ပါ..။ဒါပေမဲ့  ကျမ အပိုပူနေမိတာပါ..။လက်လှမ်းမီရာ.. မူလတန်းကျောင်းကလေးတွေတော်တော်များများ ကို ရောက်တိုင်း မေးမြန်းစုံစမ်းကြည့်တော့..ဒီ ..စိုက်ပျိုးရေးဘာသာရပ်ကို ပညာရေးဌာနရဲ့  ရည်ရွယ်ချက် ပေါက်မြောက်အောင် သင်ကြားဖို့  အချိန်မရှိကြပါ..။လူကြီးလာစစ်ရင်နဲ့  မတော်တဆ စာမေးပွဲ စစ်ရမယ် ဆိုရင် ရုပ်မပျက်ဖို့ လောက်ပဲ သင်ထားနိုင်ကြပါတယ်..။ကျောင်းဆရာဆရာမများမှာလည်း တခြား ပိနေသည့် အပို ၀န်တွေက အတော်များသည်ပဲ..။

ဒီတော့ နိုင်ငံတော်က ငွေကုန်ကြေးကျ အများကြီးခံကာ သင်ကြားစေသော အခြေခံပညာ စိုက်ပျိုးရေးဘာသာ သင်ကြားရေး စီမံကိန်းကြီးသည်လည်း အဟောသိကံ ဖြစ်ဦးမည်. မှာ မလွဲ လို့ပဲ စိတ်မသက်မသာ တွေးမိပါတယ်....။ လက်တွေ့ မှာ အဟောသိကံဖြစ်ဖြစ် မဖြစ်ဖြစ်.. ကျောင်းသင်အပိုဘာသာရပ် စိုက်ပျိုးရေးဘာသာ သင်ကို..သင်ရမယ် လို့  အထက်က မူဝါဒချလိုက်တော့.လဲ....အောက်ခြေကျောင်းတွေမှာ လက်တွေ့  သင်ကြားသင်ယူဖို့ပဲ အကြောင်းဖန်လာပါတယ်..။ခုထိ..လက်တွေ့ အကောင်အထည်ဖော်ရတဲ့  အခြေခံယူနစ်တွေရဲ့  အသံကို နားမထောင်ပဲ..။အမိန့်မှန်သမျှ အထက်က စီးကျလာတုန်းပါပဲ..။အောက်ခြေကလည်း အထက်က လာတာမှန်သမျှ မှန်ဧ။် မမှန်ဧ။် သင့်တော်ဧ။် မတော်ဧ။် မဆန်းစစ်ရဲ ..။မဝေဖန် မထောက်ပြရဲ သေးပဲ..။တကယ်.လိုက်နာဆောင်ရွက်လို့  မရရင်လဲ ဟန်ဆောင် ရုပ်ပြ အညာအလှိုင်းများနှင့်သာ တပွဲထိုးဖြေရှင်း လာကြရင်း ကျမတို့ရဲ့  ပညာရေးစနစ်ကြီးဟာ ချွတ်ခြုံကျ လာတာကို ဘယ်သူမှ မငြင်းနိုင်ပေ..။

လွန်ခဲ့ တဲ့  ဆယ်စုနှစ် လောက်ကလည်း အိမ်နီးချင်း ထိုင်းနိုင်ငံ နဲ့  ဆက်ဆံရေး မပြေပြစ်တော့..ကျောင်းတွေမှာ အဲဒီ အိမ်နီးချင်းထိုင်းနိုင်ငံအကြောင်း ပညာရပ်တခုလို ချဉ်းကပ်မှု မရှိတဲ့  တဖက်သတ် အပုတ်ချ..၀ါဒဖြန့်ချီချက်တွေ ကို ပြဌာန်းထားတဲ့  ..ယိုးဒယားသမိုင်း ဆိုတဲ့  အပိုဘာသာတရပ်ကို သင်ခိုင်းခဲ့ ဖူးတယ်..။ကျောင်းတွေက ဆရာဆရာမတွေကို အဲဒီ ယိုးဒယားသမိုင်းတွေကို သင်ဖို့  ရက်တိုသင်တန်း တွေ ငွေကုန်ကြေးကျခံ ပြီး.. ပေးတယ်..။ယိုးဒယား သမိုင်း ပြဌာန်း စာအုပ်တွေ အများကြီး ငွေကုန်ကြေးကျခံပြီး ရိုက်နှိပ် ဖြန့်ဝေ ခဲ့ တယ်..။တကယ်တမ်း လက်တွေ့ သင်ကြားရတဲ့  ဆရာမတွေကလဲ သင်တန်းတက်ဆို တက်။..သင်တာကတော့ ၀တ်ကျေတန်းကျေပေါ့..။အဲဒီဘာသာကို စာမေးပွဲ စစ်ရမယ် ဆိုတော့ ကလေးတွေကို မေးခွန်းပေး..ပြဌာန်းစာအုပ် ထုတ်ကြည့်ပြီး ဖြေစေတယ်..။အဲဒီလို လုပ်ကြတာကိုပဲ ကလေးတွေ ခေါင်းထဲကို မဟုတ်တဲ့  ၀ါဒမှိုင်းတွေ သိပ် မ၀င်တော့ဘူးရယ်လို့  ကျေးဇူးတင်ရဦးမယ်..။အခုတော့ ဒီ ယိုးဒယားသမိုင်း ဆိုတဲ့  သမိုင်းအပိုဘာသာကြီး ဘယ်ချောင်မှာ တိုးနေပြီလဲ မသိတော့ပါ..။အဲဒီလို တကယ် လက်တွေ့ အကောင်မထည် မဖော်နိုင်တဲ့  အပို

ဘာသာ သင်ကြားရေး စီမံကိန်းတွေ ရှိသလို..လက်တွေ့ မှာ အတော်အကျိုးရှိခဲ့ တာတွေလဲ ရှိခဲ့ ပါတယ်..။ အဲဒါကတော့..ကျမတို့ ငယ်စဉ်က လက်တွေ့ သင်ခဲ့ ရတဲ့  အကြိုသက်မွေးပညာ...ကျောင်းသင်အပိုဘာသာ

တွေပါပဲ..။ဒါပေမဲ့ ဒီ ..ကြိုသက်ဘာသာသင်ကြားရေး စီမံကိန်းကလည်း တနိုင်ငံလုံးက အခြေခံပညာကျောင်း

တိုင်း သင်ရတာတော့ မဟုတ်ပါ..။လက်တွေ့  အကောင်အထည်ဖော်နိုင်ဖို့ နီးစပ်တဲ့  ဒေသတွေက ကျောင်း

တွေ လောက်ကိုသာ..ကြိုသက်ကျောင်းအဖြစ် သတ်မှတ်သင်ကြားစေခဲ့ တာပါ..။(အခု သင်နေ၇တဲ့  စိုက်ပျိုးရေးဘာသာကိုလည်း တနိူင်ငံလုံးကျောင်းတွေကို ပြဌာန်း သင်ကြားစေမဲ့  အစား..လက်တွေ့ အကောင်

အထည်ဖော်နိုင်မဲ့  အခြေအနေ ရှိတဲ့  ကျောင်းမျိုးကိုရွေးချယ် သင်ကြားစေရင်တော့ မလိုလားစရာ အဟော

သိကံတွေ အတော်လျှော့သွားမယ်လို့  တောင် တွေးမိပါတယ်..။)

ကျမသိသလောက်..၁၉၇၀ ခုနှစ်ဝန်းကျင် က တနိုင်ငံလုံးမှာ အကြိုသက်မွေး အထက်တန်း

ကျောင်းတွေက လက်ချိုးရေလို့ ရရုံ ဆယ်ဂဏန်းလောက်ပဲ ရှိတယ်..။ဒီလို ကျောင်းတွေမှာ..ရိုးရိုးကျောင်း

သင်ဘာသာရပ်တွေ အပြင် အကြိုသက်မွေး ဘာသာတခုခုကို တွဲသင်ခွင့်ရပါတယ်..။အကြိုသက်မွေး ဘာသာ

တွေ အဖြစ် အိမ်တွင်းမှု ဘာသာ ၊စက်မှုလက်မှု ဘာသာ၊ အနုလက်မှု ဘာသာနဲ့  စိုက်ပျိုးရေးဘာသာတွေ

ကို ပညာရေးဝန်ကြီးဌာနက ခွဲဝေသတ်မှတ်ပေးထားတဲ့  အလိုက် သက်ဆိုင်ရာကျောင်းတွေမှာသင်ရတယ်..။

ကျမတို့ ကျောင်းက မိန်းကလေးတွေက အိမ်တွင်းမှု ဘာသာရပ်ကို သင်ကြားကြရပြီး..ယောက်ျား

လေးတွေကတော့ စက်မှုလက်မှု ဘာသာရပ်ကို သင်ကြားရပါတယ်..။အဲဒီ တုန်း ကတော့ အကြိုသက်မွေးဘာသာတွေကိုအလယ်တန်းဆင့်ဖြစ်တဲ့  ပဉ္စမတန်းကနေ အဌမတန်း အထိ သင်ရတယ်.။

တပါတ်တာ စာသင်ချိန်ထဲမှာ အကြိုသက်မွေးချိန် (၂)ချိန်ခန့်ပါတယ်..ထင်ပါတယ်..။ အကြိုသက်မွေးချိန်

ရောက်ရင် သက်ဆိုင်ရာ အကြိုသက်မွေးဘာသာရပ်သင် စာသင်ခန်းတွေ ဆီ အခန်းပြောင်း တက်ရတာကို ကျမတို့ကလေးတွေကသဘောကျကြ ပျော်ကြတယ်..။ဒါကလည်း စာသင်ခန်းတွေထဲမှာ တနေကုန် ညည်းငွေ့

နေရာက နေ အပြောင်းအလည်းလေး တခု ဖြစ်စေတာမို့ ကလေးတွေ အတွက် အကြိုသက်မွေးချိန် ရောက်

မှာကို အလိုလိုကို စိတ်ထက်သန်နေကြတယ်..။စိတ်ထက်သန်မှု ဟာလည်း သင်ခန်းစာတခုကို သင်ယူရာ

မှာ အရေးပါတဲ့  အချက်တချက်ပါပဲ..။

အကြိုသက်မွေး ဘာသာရပ်လို့ နံမယ်တပ်တဲ့  အတိုင်းဘ၀ခရီးမှာ..အသက်မွေးဝမ်းကျောင်း

နိုင်မဲ့  ပညာရပ် တခုကို အကြို သင်ကြားခွင့် ရခဲ့ တာအမှန်ပါ..။ကျမတို့ မိန်းကလေးတွေဆို အခြေခံ

အချုပ်အလုပ်၊အချက်အပြုတ်တွေ သင်ရတယ်..။လူတဦးမှာ လိုအပ်တဲ့  အာဟာရ ဓါတ်တွေကို ကျန်းမာရေးနဲ့  ညီအောင် ဘယ်လို ချက်ပြုတ်စားရမယ်..။ကလေးသူငယ်တွေကို ဘယ်လို ပြုစု ပျိုးထောင်ရမယ်ဆိုတာမျိုးက

အစ သင်ကြားခဲ့ ရလို့..လက်တွေ့ ဘ၀မှာ အတော် အသုံးဝင်ပါတယ်..။ယောက်ျားလေးတွေ ဆိုလဲ အခြေခံ စက်မှုလက်မှု ပညာရပ်တွေကို သင်ခွင့်ရခဲ့ တယ်..။နောက်ပြီး ..အကြိုသက်မွေး ဘာသာကို စာမေးပွဲ မှာ ဖြေရပေမယ့် ဒီဘာသာနဲ့  အအောင်အရှုံးကို မသတ်မှတ်ပါ..။တခြားဘာသာရပ်တွေ အမှတ်လိုနေရင် တော့ အကြိုသက်မွေးဘာသာရမှတ်က ကယ်နိုင်ပါတယ်..။ဒီစနစ်ကြောင့် အကြိုသက်မွေးဘာသာကို ကျောင်းသူ

ကျောင်းသားတွေက ကြောက်စရာလို့  မမြင်..။အပို ဘာသာရပ် ဆိုပြီး ၀န်ထုပ်ဝန်ပိုးကြီး ပိမနေပါဘူး..။

စိတ်ဝင်တစား သင်ယူနိုင်ခဲ့ အောင်လည်း အဲဒီခေတ်အခါက အကြိုသက်မွေးဘာသာသင်ကျောင်းတွေမှာ

သင်ထောက်ကူ ပစ္စည်းတွေက အလျှံအပယ် အလုံအလောက် ပေးထားပါတယ်..။ကလေးတွေအနေနဲ့ 

လက်တွေ့ နဲ့  စာတွေ့  သင်ထောက်ကူတွေ ကောင်းကောင်းသုံးပြီး သင်ရတာလောက် ပြီးပြည့်စုံတဲ့  သင်ယူမှု မျိုး ရှိမယ် မထင်ပါဘူး..။

ဒါပေမဲ့  လက်တွေ့ မှာ ကောင်းမွန်တဲ့  မူဝါဒစနစ်တွေဟာ တခါတရံမှာ တာဝန်ယူ ဦးဆောင်သူ လူတဦးဦးကြောင့် လမ်းကြောင်းလွဲ ပျက်ပြယ် သွားတာမျိုးလည်း ကြုံဖူးကြမှာပါ..။

၂၀၀၆ ခုနှစ်မှာတော့ ကြိုသက်ချိန်မှာ ကလေးတွေ ကြိုသက်ခန်းတွေကို စာသင်မသွားရ

တော့ဘူး..လို့  သတင်းကြားရပါတယ်..။ကြိုသက်ချိန်တွေကို ကိုယ့်အခန်းမှာပဲ ကိုယ်သင်ရမယ် တဲ့။ ဘာလို့ပါလိမ့်..။စုံစမ်းကြည့်တော့ မှ တိုင်းအဆင့် ပညာရေး တာဝန်ရှိသူတဦးက ကျောင်းကို စစ်ဆေးရေး လာစဉ်မှာ ကြိုသက်ချိန် အတန်း ပြောင်းလာတဲ့  ကလေးတွေကို မြင်သွားပါသတဲ့ ..။ကလေး တွေ စာသင်ခန်း အပြင်မှာ ဘာလုပ်နေတာလဲ..။စည်းကမ်း ထိန်းသိမ်းမှု ညံ့တယ်..။ဘာညာနဲ့ကျောင်းအုပ်ဆရာကြီး

ကို ဆူပါလေရောတဲ့ ..။အဲဒီ အချိန်က ဌာနဆိုင်ရာ အကြီးအကဲတွေတော်တော်များများဟာ တသွေးတသံ တမိန့် နဲ့  စစ်စိတ်စစ်မာန်တွေ လျှံနေချိန်ပေါ့..။ရေဗူးပေါက်တာ မလိုချင်ဘူး ..ရေပါတာပဲ လိုချင်တယ် ဆိုတဲ့  ၀ါဒ ကြီးစိုး နေချိန်မို့  အောက်လက်ငယ်သားတွေကလည်း အထက်ကို အကျိုးနဲ့  အကြောင်းနဲ့  ပြန်ရှင်းမပြရဲကြတာတွေက များတယ်..။ အဲဒီအချိန်က ကျောင်းအုပ်ကြီးကလည်း တကယ်ဆို ဒီကျောင်းက အကြိုသက်မွေး ကျောင်းမို့  ကြိုသက်ချိန်တွေမှာ စာသင်ခန်း ပြောင်းသင်ရတာပါလို့  ပြန်မပြောရဲဘူး

တဲ့..။အထက်က အမိန့် အတိုင်း..အောက်ကို ဆက်အမိန့်ထုတ်လိုက်တယ်..။ကြိုသက်ချိန် စာသင်ခန်း ပြောင်းမသင်ရ..။ဒီလိုနဲ့  ကလေးတွေဟာ ကြိုသက်ကျောင်းမှာ နေပြီး ကြိုသက်ချိန်မှာ လက်တွေ့  သင်ထောက်ကူတွေ နဲ့  စနစ်တကျ သင်ကြားခွင့်ကို ဆုံးရှုံးခဲ့ ရတယ်..။

ဒီထက်ပို ဆိုးတာက အတန်းမပြောင်းရပဲ ကိုယ့်အတန်းထဲမှာပဲ ကိုယ်ကြိုသက်ဘာသာကို သင်ရမယ် ဆိုတော့ ..ယောက်ျားလေး မိန်းကလေး ရှိတဲ့  အတန်းတွေထဲမှာ စက်မှု လက်မှုနဲ့  အိမ်တွင်းမှု ဘာသာကို တွဲသင်လို့ မရတော့ဘူး..။ဒီတော့ စက်မှုဆရာတွေက နောက်ပိုင်းမှာ အတန်းမ၀င်တော့ဘူး..။

အိမ်တွင်းမှု ဆရာမတွေပဲ အတန်းထိန်းရင်း မိန်းကလေးတွေကို အိမ်တွင်းမှု သင်တယ်.။ယောက်ျားလေး

တွေက ကြိုသက်ချိန်မှာ ဟိုယောင်ယောင်..ဒီယောင်ယောင်.။ကဲ..စည်းကမ်းပို မပျက်ပေဘူးလား..။

ရေဗူးပေါက်တာမလိုချင်တဲ့  ခေတ်ကြီးမို့  အထက်ကို ဒီလို..ဒီလို တွေ ဖြစ်နေပါတယ် လို့ ဘယ်သူမှ ပြန်မပြောရဲကြဘူး..။ရှက်တတ်ရင် ရှက်စရာကောင်းတာက ပညာရေးဌာနရဲ့  စစ်ဆေးရေး အရာရှိကြီး

တယောက်လုံးက ကိုယ်သွားစစ်ရတဲ့  ကျောင်းရဲ့  သဘောသဘာဝနဲ့  အခြေခံအချက်အလက်တွေကို မသိခဲ့ တာပါပဲ..။အင်းလေ...ဗူးတောင်းနစ်လို့ ဇောင်းချမ်းပေါ်..တဲ့  ခေတ်ဆိုးကြီးကိုး..။အဲဒီ ကတည်းက ကျမတို့ရဲ့  အကြိုသက်မွေးကျောင်းကြီးရဲ့  ကြိုသက်စာသင်ခန်းတွေ ပျက်ခဲ့ တာ ခုထိပါပဲ..။အခုတော့ ကြိုသက်ဆရာဆရာမတွေကလည်း ရိုးရိုးဘာသာရပ်သင် ဆရာဆရာမတွေ ဖြစ်ကုန်ပါပြီ..။ကြိုသက်စာ

သင်ခန်းတွေတောင် ရိုးရိုး ဘာသာရပ်သင် စာသင်ခန်းတွေ ဖြစ်ကုန်ပြီ..။

ကျမတို့ ခေတ်က ကြိုသက်စာသင်ခန်း အင်္ဂါရပ်နဲ့  ညီတဲ့  သင်ထောက်ကူ ပစ္စည်း အကောင်းစားတွေ စက်ကြီးတွေဟာလည်း ဟိုချောင်ကပ်..ဒီချောင်ကပ်..။ဟိုတစ..ဒီတစ..။ ဟိုရောက်.. ဒီရောက်ဖြစ်ကုန်ပြီ လို့  ၀မ်းနဲဖွယ်ကြားရပါတယ်..။အဟောသိကံဖြစ်ရတဲ့  တိုင်းပြည်ဘဏ္ဍာတွေပဲ ပေါ့လေ..။

တကျောင်းတဂါထာ တရွာတပုဒ် ဆန်း ဆိုသလို တာဝန်ရှိလူကြီး တယောက်ပြောင်းတိုင်း သူတို့ စိတ်ကူးတဲ့  ရာ မူဝါဒတွေ ချမှတ်လိုက်..။နောက်တယောက် ပြောင်းလာရင် ကောင်းကောင်းဆိုးဆိုး မဝေဖန် .သူ လက်သင့်ရာ .နောက်တမျိုး ပြောင်းလိုက်ဖြင့် ကျမတို့ နိုင်ငံရဲ့  ပညာရေး စနစ်ကြီး ရေစုန်မျောနေသည်မှာ ကြာချေပြီ..။ကျမတို့ခေတ်တွင်လည်း အစမ်းသပ်ခံ သားကောင်တွေ ဖြစ်ခဲ့ ရသလို ကျမတို့ သားသမီး မြေးမြစ်များ အထိ ပိုမို ဆိုးရွားလာသော အစမ်းသပ်ခံ စမ်းတ၀ါးဝါး ပညာရေးစနစ်ရဲ့  သားကောင်လေးတွေ ဖြစ်နေရမည် ဆိုလျှင်..။ဆက် မတွေးရဲတော့ ပါ..။

Tuesday, September 24, 2013

လယ်သူမကြီး ၀ိသာခါ

အရိပ်မိုးပေးတဲ့  ထီးတလက်
ရုတ်တရက်ပျောက်သွားရှာ
စုံကန္တာ နေပူကြီးမှာ
ဘယ်ထီးမှမယ် မပါ.....

သားနဲ့ သမီး လက်ကိုဆွဲ
ကျွဲနွားနဲ့  အတူရုန်း
မင်္ဂလာဦးက လယ်တတုံး
ဝမ်းမီးဟုန်းဟုန်းကို ငြိမ်းတန်ရဲ့ ...

လယ်ကွင်းမှာကြီး
လယ်သီးကိုစား
လယ်သူမရဲ့ သား
လယ်ယာတက္ကသိုလ်မှာထား

ဘ၀ခြားသွားလေသူနဲ့ 
အိုးစားကွဲ ရိုက်ခွဲ
ညောင်ရေအိုးလေး ကွဲသွားသလို
နှလုံးသားအိုလေး မွမွကြေ...

ရွာက ကလေးတွေ
ပညာရည် နို့
ကောင်းကောင်းစို့နိုင်ဖို့
ကျောင်းသစ်ကြီး ဆောက်ရာ
ဝမ်းမသာနိုင်ဘူးလား...တဲ့ 

အလှူ့ ဒါယိကာမကြီး
ဗလာလက်ချည်း
မြေကြီးခဲကိုကောက်
လယ်ကူလီ ဘ၀ ရောက်ပေါ့...။ ။
(မှတ်တိုင် အထက ကျောင်းသစ်ကြီးဆောက်ရာမှာ လယ်သိမ်းခံလိုက်ရတဲ့  ဒေါ်လေး ဒေါ်အေးန အတွက် ဟိုးတုန်း က ထွက်လာဖူးတဲ့  ကဗျာတပုဒ်)See More

Thursday, September 19, 2013

ဆိုးမွေ

ရေးသားသူ- နီဇူလိုင်

``ဟေး… အမေကြီး သိန်း လာပြီ ဟေ့´´

-
ကျမတို့ ညီအမ တတွေ ၀မ်းသာ အားရ ထအော် ကြရင်း၊ အမေကြီးသိန်း လက်ထဲမှ ခြင်းတောင်း လေးကို ဆွဲသူ ဆွဲ။ အမေကြီးသိန်း ထမီစကို ဆွဲပြီး နံဘေးကနေ ခုံဆွ ခုံဆွ လိုက်သူက လိုက်နှင့် တပျော်တပါး ဆီးကြို ကြ စမြဲ။ အမေကြီးသိန်း ဆိုတာ ကျမတို့ ဘဘကြီးရဲ့့ အမကြီးပါ။ ကျမတို့ မြို့လေးနဲ့ မလှမ်းမကမ်း ရွာ ကလေးမှာ နေ ပါတယ်။ တခါတခါ သူ့ မောင်လေး ရှိတဲ့ ကျမတို့ အိမ်ကို ခြံထွက် သီးနှံတွေ ပေးရင်း အလည် လာလေ့ ရှိ ပါတယ်။

-
ကျမတို့ ညီအမ တွေ သူလာရင် ပျော်ရ တာ က-ငါးရာ့ ငါးဆယ် နိပါတ် တော်လာ ပုံပြင် တွေက အစ ကြားရခဲတဲ့ ကျေးလက် ပုံပြင်တွေ အဆုံး .. ပုံပြင် မျိုးစုံကို ဟန်ပန် အသံနေ အသံထားနဲ့ ပြောတတ် လွန်းလို့ပါ။ အမေကြီး --- ပုံပြောပြပါ---ဆိုပြီး သူ့အနား မှာ ကျမတို့ ၀ိုင်းနေရင် သဘောတွေ ကျပြီး တမျိုးပြီး တမျိုး ပြောလို့ မဆုံး။ ကလေးတွေ တရုံးရုံး နဲ့ ပျော်မဆုံး။

-
++ ++ ++

-
တနေ့
``အမေကြီး သိန်း ကို အချုပ်ထဲမှာ ဖမ်းချုပ် ထားတယ်´´ဆိုတဲ့ သတင်း တခုက ကျမတို့ ညီအမတွေ ကို အကြီးအကျယ် စိတ်ထိခိုက် တုန်လှုပ် စေ ခဲ့ ပါတယ်။

``ဟင်--- အမေကြီးသိန်း ကို ဘာလို့ ဖမ်းချုပ် ကြ တာ လဲ´´

``အမေကြီးသိန်း က လူဆိုးမှ မဟုတ်တာ…´´

``အမေကြီးသိန်း က ဘယ်သူ့ကို ဒုက္ခ ပေးဖူး လို့လဲ… ´´

ကျမတို့ ကလေးတွေ ရဲ့  နုနယ် လှတဲ့ အသိဥာဏ်၊ နှလုံးသား လေးတွေ ထဲမှာ မခံရပ် နိုင်အောင် နာကျင် ရပါတယ်။

-
အပြစ် မရှိတဲ့ လူ တယောက်ကို ဘာလို့များ ဖမ်းချုပ် ထားရ တာပါလိမ့် လို့ တွေးရင်း အမေ ကြီးသိန်း အတွက် စိတ်မကောင်း ကြ။ အိမ်က လူကြီးတွေ ကတော့ အမေကြီးသိန်း အတွက် ထမင်းပို့ဖို့ စီစဉ်ကြ။ အမေကြီးသိန်း မြန်မြန် ပြန်လွတ် လာဖို့ ကြိုးစား ကြနဲ့ အလုပ်တွေ ရှုတ်လို့။

``အပြစ်မရှိတဲ့ လူတယောက် အတွက် ထောင် ဆိုတာ (၁) နာရီ မပြောနဲ့ (၁)စက္ကန့် တောင် နေ ဖို့ မသင့်တော် ဘူးလေ။´´

-
++ ++ ++

-
``ဟေး--- အမေကြီးသိန်း ပြန်လွတ် လာပြီ ဟေ့´´-

(၁၄) ရက် အကြာမှာ အမေကြီးသိန်း ပြန်လွတ် လာပါတယ်။ သူ့ ထုံးစံ အတိုင်း မျက်နှာ ကလေးက ပြုံးချို နေပေမဲ့ ပိန်သွား လိုက်တာ။ ကျမတို့ ညီအမတွေ သူ့အနားမှာ ၀ိုင်းပြီး မေးခွန်းတွေ တသီကြီး မေး ကြတာပေါ့။
-

ခဏ နေတော့မှ သူ့``နရသိန်ပုံပြင်´´ကို ထုံးစံ အတိုင်း ပြောပြ ပါတယ်။မဲမှောင် နံစော် နေတဲ့ အမျိုးသမီး အချုပ်ခန်း လေးဟာ အလျား ၁၅ ပေ အနံ ၃ပေ လောက်ဘဲ ရှိတဲ့ အခန်းလေး တဲ့။ သစ်သား ပြားကြီး တွေနဲ့ ကာထားပြီး တဖက်မှာ အိမ်သာ ဇလားကြီး ရှိတဲ့ အချုပ်ခန်းကျယ် တခုရှိပြီး အမျိုး သား အချုပ်သားတွေကို ထားကြောင်း။ အိမ်သာတွေ ဘာတွေ တက်ချင်ရင် အဲဒီ ဇလားကြီး ပေါ်ဘဲ ယောက်ျား မိန်းမ ရောနှောပြီး သွားရကြောင်း ပြောရင်း သူ့ ထုံးစံအတိုင်း အရွှန်း ဖောက်ပါတယ်။ သူတို့ကို ထားတာ ရဲအချုပ်ရဲ့  အပေါ်ထပ် ဖြစ်လေတော့ အောက်ထပ်မှာ ရုံးခန်းတွေ ရှိပြီး ရဲအရာရှိ တွေ နေပါတယ်။

``အမေကြီးကို မတရား ဖမ်းထားတဲ့ ကောင်တွေ အပေါ် ရှုးတွေ အီးတွေ အားရှိ ပါးရှိ ပါပစ် ခဲ့တာပေါ့´´လို့ ဟာသ နှောတော့ ကျမတို့တွေ ရီရင်း မော ခဲ့ရ ပါသေး တယ်။

-
နောက်ရက်မှာ မြို့ကလေးရဲ့ အစွန်မှာ ရှိတဲ့ အကျဉ်းထောင်ကို ပို့လိုက်တော့ သူတို့ကို သစ်သား တထပ်ဆောင် လေးထဲမှာ တခြား ရာဇ၀တ်သား အမျိုးသမီး တွေနဲ့ အတူ ဂန်ဇီ သောက်ရင်း ထောင်ထမင်း နီနီတွေ စားရတဲ့ အကြောင်းတွေ ၊ကြားရတော့ ကျမတို့ အားလုံး ဘယ်လိုမှ လက်မခံ နိုင်ပါ။
-

အမေကြီးသိန်းလို လူကောင်း တယောက်ကို ဘယ်လို အတွေး အခေါ်မျိုးနဲ့ လူတွေက ဒီလို အချုပ်ထောင်ထဲ ပို့ထား နိုင်တာလဲ။ ၅နှစ်အရွယ် ညီမ အငယ်ဆုံးလေး က -

``တို့ အမေကြီးသိန်းကို လူဆိုးလဲ မဟုတ်ဘဲနဲ့ ဘာလို့ ဖမ်းကြတာလဲ´´ လို့ စိတ်ဆိုး မာန်ဆိုး ထအော် ငိုတော့၊ အမေကြီးသိန်းက ခပ်ငေးငေး မျက်နှာလေးနဲ့ -

``တာဝန်ကျေ စပါး မရောင်းလို့ တဲ့လေ´´
သူ့မှာ လယ် ရှိပေမဲ့သားသမီး မရှိတဲ့ မုဆိုးမကြီး ဆိုတော့ လယ်မလုပ်နိုင် ရှာတာနဲ့ တူတယောက် ကို လယ် လုပ်ခိုင်းပြီး အဲဒီက ရတဲ့ လယ်ထောက်ခလေးနဲ့ စား နေ ရတာပါ။ ကံဆိုးတဲ့ အဲဒီနှစ်မှာ မိုးခေါင်တော့ လယ်တွေ ပျက်ပြီး ရနေကျ လယ်ထောက်ခလေးတောင် မရရှာတုံး၊ တာဝန်ကျေ စပါး မရောင်းတဲ့ လယ်သမား တွေကို

မြို့ အာဏာပိုင် တွေက ဖမ်းချုပ်တော့ လယ်ပိုင်ရှင်နံမယ်ပေါက် တဲ့ သူ့ခမျာ အသက် ရ၀ကျော် အရွယ်ကျမှ အဖမ်းအချုပ် ခံရတော့ တာပါဘဲ။
-

++ ++ ++ ++

-
၂၀၀၇ အောက်တိုဘာ (၁၆)ရက် ည သန်းခေါင်ကျော် မှာတော့--
ကျမ ကိုယ်တိုင် လွန်ခဲ့တဲ့ နှစ် (၃၀) လောက်က အမေကြီးသိန်း ရောက်ခဲ့တဲ့ နေရာလေး ကို မမျှော်လင့်ဘဲ ရောက်ခဲ့ရ ပြန်ပါတယ်။ သံဃာတော် တွေရဲ့.. မေတ္တာပို့..ဆန္ဒပြ ပွဲ ဂယက်လှိုင်း တွေ ကြားထဲမှာ..ဆန္ဒတွေပြည့်လျှံ ကြ ရင်း.. မဲမှောင် ကျဉ်းမြောင်း ညစ်ပတ် နံစော် နေတဲ့ အခန်းကျဉ်း လေးထဲမှာ တညလုံး ငုတ်တုတ် ထိုင်ပြီး.. အမေကြီးသိန်း ကို သတိရ နေမိတယ်..။ ကပ်ရက် အခန်းက ခင်ပွန်း ဖြစ်သူကို-

``ဟေ့--- တို့တွေ တိရစ္ဆာန်ရုံ ထဲက ကျားကြီးတွေ နဲ့ တူနေပြီ” --- လို့ လှမ်း နောက်ရင်း အိမ်မှာ ကျန် ခဲ့တဲ့ သားနဲ့ ဖေဖေ့ကို မေ့ ချင်ယောင်ဆောင် ထားပါတယ်။

-
မနက်လင်းတော့ ကျမတို ခြေရင်းမှာ အိပ်နေတဲ့ တာဝန်ကျ ရဲလေးတွေ နိုး လာကြပြီ။ ဒီအထဲမှာ ကျမ တပည့်လေး တယောက် ပါနေ တာကိုး။ မေတ္တာသုတ် ရွတ်နေတဲ့ ကျမ အသံ ကြားတော့ လာ ကြည့်ပြီး

``ဟင်-- ဆရာမ--- ဘာလို့ ဒီအထဲ ရောက် နေတာ လဲ´´ တဲ့။
-

သူ တကယ်ဘဲ မသိ တာလား။
ကျမ ပြုံးရင်း လက်ပြပြီး ``ကိုယ် လုပ်စရာ ရှိတာ ဆက်လုပ်ပါ´´ လို့ ဘဲ ပြောလိုက်မိပါတယ်။ မျက်ရည်ဝဲ နေတဲ့ သူ့ မျက်လုံး တွေကို သစ်သားတိုင် ကြီး တွေ ကြားက ကျမ မြင် မိအောင် မြင် လိုက်ရတော့... အင်း--- တို့ ငယ်ငယ် တုံးက အမေကြီး အတွက် ခံစား ရသလို နေမှာလို့ ... တွေး မိပါတယ်။

-
နောက်တနေ့ နေ့လည် ၂နာရီ လောက် မှာတော့ တရားရုံး က နေ ကျမ တို့ကို ပုဒ်မ (၅၀၅-ခ) ရယ်၊ (၁၅၃) ရယ် နဲ့ တရား စွဲဆိုပြီး ရမာန်ကြီး ၁ပါတ် ထပ်ချိန်းပြီး မြို့စွန်မှာ ရှိတဲ့ ထောင်ထဲကို ပို့ လိုက် ပါတယ်။
-

ထောင်ဗူးဝ ကနေ ခေါင်းငုံ့ ၀င် ရပေမဲ့ ကျမတို့ စိတ်တွေ ကတော့ ငုံ့လျှိုး မနေခဲ့ပါ။ ကျမကို အမျိုးသမီး ထောင်ဆီ ခေါ်သွားစဉ်မှာ- ကျမ ခင်ပွန်းကို တိုက်ထဲ ပို့ ဆိုတဲ့ အသံကို ကြား လိုက် ရပြီး ဂျိုင်း-ကနဲ တံခါး ပိတ်သံကြီးကို ကြား လိုက်ရ ပါတယ်။ ပိတ်ချင် သလောက် ပိတ် ..အလုံ ပိတ်ထားတဲ့ ထောင်နံရံ တွေ ပေါ်မှာ
လွတ်လပ်တဲ့ ကောင်းကင်ပြာ ရှိတယ်။ ။
-

++ +++ ++++ ++

-
အမျိုးသမီးထောင် သစ်သား တထပ်ဆောင် မဲမဲ လေးထဲမှာ အကျဉ်းကျ အမျိုးသမီး (၂ဂ) ယောက်ဟာ ပုံသဏ္ဍန် အမျိုးမျိုးနဲ့ ကျမကို ၀ိုင်း ကြည့်နေ ပါတယ်။ ဆရာမ အကျင့် ပါနေတဲ့ ကျမက ``မင်္ဂလာပါ´´လို့ နှုတ်ဆက် လိုက်ပြီးမှ ``တွေ့ရတဲ့ နေရာ ကတော့ သိပ် မင်္ဂလာ မရှိ ဘူးနော်´´ဆိုတော့ သူတို့က ရီကြ ပါတယ်။ သူတို့နဲ့ မိတ်ဖွဲ့ မေး ကြည့်တော့ ချဲမှု၊ လိမ်လည်မှု၊ ခိုးမှု၊ မှောင်ရိပ်ခိုမှု စုံလို့ ပါဘဲ။ ကျမနဲ့ ရှေးဆင့် နောက်ဆင့် ရောက် လာတဲ့`စပယ်´ ဆိုတဲ့ ၁၅ နှစ် အရွယ် ကလေးမ လေးကတော့ မှောင် ရိပ်ခိုမှု နဲ့ မကြာ မကြာ ရောက်လာ တတ်တဲ့ `ညငှက်မလေး´ ဆိုဘဲ။ သူက တခါလာ ရင် နံမည် တမျိုးတဲ့။ တခါ တလေ

`ထက်ထက်´ ဖြစ်လိုက်။ တခါတလေ `နှင်းဆီ´ ဖြစ် လိုက် ဆိုဘဲ။

သူတို့ အားလုံးက ကျမကို ၀ိုင်း မေးကြတယ်။
-

`ဘာမှု နဲ့ ကျတာ လဲ´တဲ့။

-
နိုင်ငံရေး မူ လို့ပဲ..အလွယ်တကူ ပြုံးပြီး အဖြေ ပေးလိုက်ရင်း.. ကွယ်လွန် သွားပြီ ဖြစ်တဲ့ အမေကြီးသိန်း ကို ဖျတ်ကနဲ မြင်ယောင် မိ ပါတယ်။ အခုတော့.. ကျမ လည်း.. အမေကြီး သိန်းလို.. ဘယ်သူ့ ကိုမှ.. နစ်နာ အောင် မလုပ်မိ ပဲနဲ့.. မသမာ ခြင်း လည်း အစွန်း မထင် ခဲ့ပါပဲ.. နိုင်ငံတော် မကြိုက်တာ လုပ်မိတဲ့.. အကျဉ်းသား ဖြစ်ခဲ့ ပေါ့။

-
တကယ်တော့ ကျမတို့ မြေးအဖွား ဟာ စနစ်ရဲ့  သားကောင်တွေ အဖြစ်နဲ့ ဒီ ထောင်ထဲ ကို ရောက် လာ ကြသူ တွေ ပါလား။

စနစ်ဆိုးရဲ့  ဆိုးမွေတွေ ကို မတန် တဆ ခံစား နေရသူတွေ ကျမတို့ နိုင်ငံထဲမှာ အများကြီး ပါလား။ ဘယ်တော့များ ဒီ ဆိုးမွေတွေ ကို ဖယ်ရှား နိုင်ပါ့ မလဲ နော်။ ။

မြန်မာပြည် အင်တာနက် လိုင်း အခြေအနေ ကြား.. ကိုယ့်ဘလော့ဂ် ကိုပင်.. အမြဲ မြင်ခွင့် မရ သော ကြောင့်.. စာဖတ်သူ များ လာလည်သူများအား..ပြန်လည် မနှုတ်ဆက်နိုင် တာ ကို..
နားလည်ပေး စေလိုပါသည်။
မေးလ် ထဲသို့ ၀င်လာသော မှတ်ချက်များ အား သာ..
ဝမ်းသာ စွာ လက်ခံ ဖတ်ရှူ နိုင်သော အခြေအနေ ဖြစ်ပါကြောင်း... ကျေးဇူးတင်စွာဖြင့်-