Tuesday, June 14, 2016

အရောင်များကို ဖမ်းဆုပ်ခြင်း

                အိမ်နောက်က   မြက်ခင်းစိမ်းတွေလွှမ်းတဲ့ မြေပြင်ပေါ်မှာလှဲလျောင်းရင်း  ကျယ်လွင့်တဲ့
 ကောင်းကင်ပြာပြာကို မော့ကြည့်မိတော့  ။ဟော   ဟိုးမှာမြင်လိုက်ရတဲ့  ရောင်စုံတိမ်တိုက်တစ်ချို့ က  ဖားလျားဝေေ၀   ဆံနွယ်ရှည်တွေလွင့်နေတဲ့  မိန်းမပျိုလေးတစ်ဦးလိုလို  ။လွင့်နေတဲ့ ဆံနွယ်ကလေး
တစ်ဝိုက်ကို မှန်းဆပြီး  သူ့လက်ထဲမှာ ခူးဆွတ်ထားတဲ့ မြက်ပန်းဝါ၀ါလေးကို  မမီမကမ်း လှမ်းပန်ပေးဖို့
ကြိုးစားရင်း မထိတထိဖြစ်နေတာကိုပဲ  တခစ်ခစ်ရယ်မောမိတယ်။ဟောကြည့်စမ်း ။ကြည့်နေရင်းမှာကို
မိန်းမပျိုကလေးရဲ့  ဆံနွယ်တွေ မရှိတော့ဘူး..။မျက်စိတမှိတ် လက်တဖျစ်အတွင်းမှာပဲ  မိန်းမပျိုလေးကနေ  ဖြူဖွေးအိနေတဲ့ယုန်ကလေးတစ်ကောင်  ဖြစ်သွားပြန်ပြီ။လက်ထဲက ပန်းဝါ၀ါလေးကို  ယုန်ကလေးရဲ့ 
 ပန်းရောင်ဖျော့ဖျော့လေး သမ်းနေတဲ့  နားရွက်ရှည်ရှည် ထိပ်ဖျားကလေးမှာ  ချိတ်ပေးဖို့ကြိုးစားနေတုန်း
.ဗြုန်းဆို    ရောင်စုံတိမ်တိုက်တွေဟာ   တဖြေးဖြေး  မှိုင်းညို့ မည်းမှောင်  ဘီလူးကြီးတစ်ကောင်လို ။
မိုးရွာတော့မယ်။မြက်ခင်းစိမ်းပေါ်ကနေ ရုတ်တရက်ထပြီး  အိမ်ဆီကို  အမြန်ပြေးနေတဲ့ သူ့နောက်ကို  တိမ်မည်းညိုအုပ်ကြီးက  အမှီလိုက်လာသလိုပဲ.။သူ့ခန္ဓာကိုယ်
တစ်ခုလုံးလည်း  မိုးရေတွေနဲ့ရွှဲရွှဲနစ်လို့.။မိုးရေစိုလက်စနဲ့  စိမ်ထားတဲ့အ၀တ်တွေကို  လျှော်ဖို့  အိမ်ဘေး
အုတ်ရေကန်ဘက်ကို ထွက်ခဲ့တယ်..။


          လက်ထဲက  အ၀တ်တစ်ချို့ ကိုစုကိုင်ရင်း.  ကျောက်ပြားပေါ်လွှဲ  လွှဲပြီး  ရိုက်လိုက်တယ်။
အမေကတော့  ဒီလို အ၀တ်တွေကို တစ်အားရိုက်လျှော်တာ မကြိုက်ဘူး။သူကတော့ ကြိုက်တယ်။
ဒီမှာကြည့်လေ  ။အ၀တ်တွေကို လွှဲရိုက်လိုက်တိုင်း  အ၀တ်တွေထဲက ရေစက်အမှုန်အမှုန်တွေဟာ 
 ရှေ့က  အုတ်ရေကန် နံရံပေါ်ကို  ဖြာခနဲဖာခနဲ  လွင့်စင် ထိမှန်.။ပုံရိပ်တွေ   ပုံရိပ်တွေ။
အိုး   ...ဒါဟာ..ထန်းတောညို့ ညို့ ..။ဟောဒါ..…ပင်စည်သွယ်သွယ်မြင့်မြင့်တွေ..။  မိုးယံကို စွင့်တက်သွားပြီ..။ဒါက…အဆင့်ဆင့် ယှက်သွယ်ထပ်ရပ်..နေတဲ့ ထန်းရွက်တွေလား..။အို..သူသာပန်းချီဆွဲခွင့်ရရင်  ဒါတွေဟာ ထန်းရွက်တွေမဟုတ်တော့ဘူး..။အရောင်တွေ..အရောင်တွေ..ဖြစ်နေမှာ။အစိမ်းနုနဲ့စိမ်းရင့်ကြားမှာ စိမ်းယောင်ဆောင်နေတဲ့   အပြာတွေကလည်း  မှိုင်းမှိုင်းဝေေ၀…ရောယှက် နေမယ် ။
။နေခြည်နဲ့ထိနမ်းခွင့်ရတဲ့ဝင်းပမှုတွေက..မခို့တရို့ဝါတစ်ချို့ ပေါ့။ညို့ ညို့ ညိုနေတဲ့နေရာလေးက  သူ့ခမျာ အလင်းဓါတ်အပြည့်အ၀မရရှာဘူးလို့ ပြောနေမှာ။အခုတော့..အုတ်နံရံပေါ်က အရောင်မဲ့ပုံရိပ်တွေကိုပဲ..ဒါက..ယင်းထောင်ယင်းစွဲ.။ဟော..ဒါက  မြူအိုး. .။
။ဟောဒါက..အမြှုပ်တစီစီထနေတဲ့..ထန်းရည်ချိုချိုပုလင်းလေးတွေ..။လျှာမှာ အလိုလို စိမ့်လာတဲ့ အရည်တစ်ချို့ ကို အသာမျိုချရင်း..ထန်းရည်နံ့မွှေးမွှေးကိုတောင်.. ရလာသလိုလို..။အံမယ်...ခွေးလေးတစ်ကောင်တောင်  ပါသေးတယ်..။ထန်းတက်သမားရဲ့  ခွေးလေးဖြစ်မယ်..။ဟိုဘက်က ထန်းတက်သမားရဲ့  ဇနီးထင်ပ…။
ကြွက်ကြော်နံ့မွှေးမွှေးကလေး  လား..။ထန်းတောကြီးအလယ်များ..ရောက်နေပြီလား.။
          ကြည့်နေရင်း..ကြည့်နေရင်း…အရာရာဟာ  မှုန်ဝါးပျောက်ကွယ်..။အုတ်နံရံပေါ်မှာ..အပေါ်ကနေ  အောက်ကို တဖြေးဖြေး စီးကျလာတဲ့  ရေတွေက နံရံတပြင်လုံး.စိုစိုရွှဲသွားပြီ..။ခုန မြင်ခဲ့ရတဲ့ ထန်းလက် ထန်းရွက် တွေ..တစ်စိုးတစ်စမှ  မရှိတော့..။ပျောက်ကွယ်သွားတဲ့ ထန်းတောကြီးကိုနှမျောတသနေတဲ့ စိတ်အာရုံက  လျှော်လက်စ အ၀တ်ပုံကြီးဆီကို..  ပြန်ရောက်သွားတယ်..။.အ၀တ်တွေကြားထဲက ရေနူးနေတဲ့ ဆပ်ပြာတုံးကို  ဘေးဖက်ကို  ကပျာကယာ ဖယ်လိုက်ရတယ်..။လက်ထဲမှာ  ပျော့တွဲနေတဲ့ ဆပ်ပြာအစအနတွေ ကပ်ပါလာတာကို  အ၀တ်ပုံထဲက အ၀တ်တချို့ ပေါ်  ကဗျာကယာ သုတ်လိုက်တော့..။ဟာ..ဆပ်ပြာ ၀ါဝါတွေ အခဲလိုက်  အဖတ်လိုက်..အောက်က ခရမ်းရောင် အ၀တ်ပေါ် တင်နေတာ..လှချက်.။နောက်ထပ် ဆပ်ပြာတစ်ချို့ ကိုလက်နဲ့ကော် ယူပြီး..အ၀တ်အပြာ..။အ၀တ်..ပန်းရောင်..။အ၀တ်..အနီ..။အ၀တ်..ရွှေအိုရောင်..။အ၀တ်..အသည်းကွဲရောင်
တွေပေါ်ကို ထပ်..ထပ်ပုံလိုက်တယ်..။ပစ်..ပစ်..ကျဲလိုက်တယ်။ဟော..ရောင်စုံပန်းခင်း..တစ်ခင်း.။
         ဆပ်ပြာမြှုပ်ဖြူဖြူမွမွ တွေက..အသွေးအရောင်စုံပန်းခင်းကြီးအပေါ်က တိမ်တိုက်တွေ....။တိမ်တွေကို
ဟိုတစ်စ..ဒီတစ်စ  လက်နဲ့ကိုင်ပြီး နေရာချကြည့်တယ်..။တိမ်ကလေးတစ်ချို့ က…ခဏနေတော့  ပျော်ကျ
သွားပြန်...။မရှိတော့..။ဆပ်ပြာမြှုပ် တိမ်တိုက်အသစ်တွေ ထပ်..ထပ် ဖန်ဆင်း..။လေနှင်ရာ လွင့်နေတဲ့  တိမ်တိုက်တွေလို...ပေါ်လိုက်…ပျောက်လိုက်..။
            “ဟဲ့..ကောင်မလေး.။အ၀တ်ကို ဒီလောက် စိမ်လျှော်နေရသလား...။အအေးပတ်တော့မယ်”
               အမေ့ရဲ့  မြည်တွန်တောက်တီးသံက..ရောင်စုံပန်းခင်းကြီးကို တစ်စစီ ..ချေမွ.ဖျက်ဆီးလိုက်သလို..။
ထန်းတောညို့ ညို့ လည်း မရှိတော့..။ရောင်စုံပန်းခင်းလည်း မရှိတော့..။ရွှေဝါဆပ်ပြာတစ်တုံးလုံးလည်း မရှိတော့..။
                                        “ဟုတ်ကဲ့..အမေ…။ပြီးပြီ..။ပြီးပြီ..”

+++
               ငပိစိမ်းစားနည်းည်းခပ်ထားတဲဟင်းချိုအိုးလေးက ပွက်ပွက်ဆူပြီးငပိနံ့ပျောက်ကာ  မွှေးလာပြီ။
.ပုစွန်ခြောက်ဝါ၀ါကလေးတွေနဲ့.ကြက်သွန်ဖြူလးစိတ်ကွဲဖြူဖြူကလေးတွေက တက်လိုက်ဆင်းလိုက်နဲ့. 
ချာလပတ်လည် ဝှေ့ယမ်း ကခုန်နေသလို..။ကြက်သွန်နီကိုလည်း..အကွင်းလိုက်..အကွင်းလိုက်ကလေး
လှအောင်လှီးထားပြီးပြီ..။စိမ်းညွန့်သစ်နေတဲ့ဆူးပုတ်ရွက်နဲ့ယင်းတိုက်ရွက်နုနု..ဖူးပုရစ်ကလေးတွေကလည်း 
 မြမြစိုလို့..။.။အပင်ပေါ်က ကြွေခါစလတ်လတ်ဆတ်ဆတ်…သခွပ်ပွင့်ဖြူလွလွလေးတွေရဲ့  ထိပ်ဖျားလေး
တွေ ကိုလည်း..အသာအယာဖြတ်ပြီးသား...။  ညိုတိုတို.ခပ်ချိုရိုးနွဲ့ နွဲ့နှောင်းနှောင်းလေးတွေကိုလည်း.
.အဆစ်လိုက်အပိုင်းလိုက် ဖြတ်ထားပြီးသား...အောက်ခံ ၀ါးဇကာ ၀ါဖျော့ဖျော့..ကလေးထဲမှာ..ဟင်းချိုခပ်
အရွက်ကလေးတွေက..သူ့အပုံနဲ့သူ..လှလှပပ.မျက်စိပသာဒ.။
           ဟင်းချို ဆိုတာ  မြန်မာ့ရိုးရာထမင်းပွဲတွေမှာ အဓိကကျတဲ့ ဟင်းတမျိုး..။ချက်ရတာလွယ်တယ်ထင်
ရပေမယ့်  ဟင်းချိုကောင်းတစ်ခွက်ဖြစ်ဖို့  ဘယ်လောက်ပညာပါတယ်ဆိုတာ..လူတိုင်းမသိဘူး..။
အစပ်အဟပ်ကလည်း အရေးကြီးတာမို့. ကြည်လင်နေတဲ့ ဟင်းချိုရည်ပူပူကလေကို အပေါ့အငံမြည်း
ရင်း အရသာခံလိုက်တယ်..။ဟင်းချို ရည်တွေ  မဲနောက်နေရင် ဘယ်လူကသောက်ချင်စိတ်ရှိမလဲနော်..
အင်း..နည်းည်းပေါ့တယ်..။ဆားကလေး  မျှင်မျှင်ထည့်လိုက်မယ်..။.အိမ်ကလူ.. ခုတလော 
 သွေးတိုးချင်နေတယ်..အငံတော့ နည်းည်းလျှော့မှ..။
        ဟင်းချိုအိုးကို ခဏထားပြီး ငရုပ်ဆီရောင် လွှမ်းနေတဲ့  မဆလာနံ့သင်းသင်းနဲ့.. ကြက်သားဆီပျံ
ဟင်းကိုဟင်းခပ်ပန်းကန်ထဲ အသာခပ်ထည့်တယ်...။သားကြိုက်တဲ့ ရင်ပုံသားလေးရယ်..အသည်း
အမြစ်ရယ်  ရွေးခပ်ရင်း   ပန်းကန်နှုတ်ခမ်းပေါ် ကျသွားတဲ့ ဟင်းစက်တချို့ ကို  တစ်ရှူးစနဲ့ အသာသုတ်လိုက်ရသေးတယ်.။
             ဖန်ရောင်လက်လက်ပန်းကန်သေးသေးထဲမှာ.. ငပိရည် ပျစ်ပျစ်. ညိုရင့်ရင့်.။အဖျော် ကြက်သွန်ဖြူ လေးစိတ်ကွဲနဲ့ ငရုတ်သီးစိမ်းစိမ်းဖတ်ကလေးတွေကို ဟိုတစ်စ..သည်တစ်စအမြင်လှအောင် ဇွန်းကလေးနဲ့အသာမွှေပေး..။တို့စရာထည့်မယ့် ကြွေပန်းကန် အဖြူဆွတ်ဆွတ်ကလေးပ်ါမှာ   ခရမ်းဂျွတ်
သီးလေးတွေက  ခရမ်းရင့်ရောင်တောက်ပ..။ဒညင်းသီးအခြမ်းတစ်ချို့ က..၀ါဝါညိုရွှေ..။သစ်ပန်းကန်ရွက် အညွန့်နီနီ.လေးတွေနဲ့  .မုန်လာဥနီနီ
..။ပြီးတော့..ရုံးပတီသီး စိမ်းနု.။ပူစီနံနဲ့မြင်းခွါရွက်စိမ်းရင့်..။နီဝါရွှေ..စိမ်းနုရင့်..။ဒါလည်း  ပန်းချီကား
တစ်ချပ်ပဲ..။သူ့နေရာနဲ့သူ စားချင့်စဖွယ်..မျက်စိပသာဒ..။
            သစ်စေးရောင်ရင့်ရင့်   ယွန်းထမင်းအုပ်ထဲက ထမင်းဖြူဖြူ..ပူပူနွေးနွေး.. အငွေ့ တစ်ထောင်း
ထောင်း..။ထမင်းစားကြွေပန်းကန်ဖြူလွလွလေးတွေကလည်း.. ပန်းကန်နှုတ်ခမ်းမှာ အပြာရောင် ပန်းခက်ကလေးတွေ နွယ်လို့..။ဟင်းချို အိုး အရွက်ခပ်ရမယ့် အချိန်ရောက်ပြီ..။ပွက်ပွက်ဆူနေတဲ့ ဟင်းချိုရည်ထဲကို  ခပ်ချိုရိုးကလေးတွေကို အရင်ထည့်..။ခပ်ချိုရိုးကလေးတွေ အိသွားပြီဆိုမှ..ကြက်သွန်နီအကွင်းရယ်..ဆူးပုတ်နဲ့ယင်းတိုက်ရွက်
စိမ်းစိမ်းကလေးတွေ ဖျပ်ခနဲထည့်..။နောက်ဆုံးမှ အနုဆုံး..သခွပ်ဖျားကလေးတွေ ထည့်လိုက်တယ်..။မီးဖို ခလုပ်ကို  အမြန်ပိတ်ပြီး..ဟင်းချိုအိုးကလေးကို တစ်ချက်မွှေလိုက်တယ်..။ဟင်းချိုပန်းကန်စောက်.. လိမ္မော်ရင့်ထဲကို  ဟင်းချိုခပ်ထည့်ရင်း..အရွက်တွေ အရောင်ပြောင်း မသွားဖို့ အရေးကြီးတယ်..။..
သခွပ်ဖျားလေးတွေက..မှန်ရောင်ထနေရမယ်..။ယင်းတိုက်ရွက်ကလေးတွေကလည်း  စိမ်းလတ်နေဖို့ အရေးကြီးတယ်..။ဟင်းခပ်ရွက်တွေ နွမ်းသွားတဲ့ဟင်းချိုလောက် စားချင်စိတ်ပျောက်တာ မရှိဘူးလို့ ကိုယ့်ဖာသာ တိုးတိုး ပြောရင်း.ထမင်းစားစားပွဲပေါ်မှာ....ဟင်းခွက်တွေကိုနေသားတကျ  စီစဉ်လိုက်ရင်း..
 လက်ထဲက ဖုန်းကင်မရာလေးနဲ့ ဓါတ်ပုံရိုက်ဖို့ ပြင်နေတုန်း..
                      “ ဗိုက်ဆာလှပြီ..။မကျက်သေးဘူးလားကွာ..”
          “ကျက်ပြီ..ကျက်ပြီ..။ကဲ..သားအဖတွေ  လာ..ထမင်းစားရအောင်”
လို့ ကမန်းကတန်းပြန်အော်ရင်း  …သူ့ဟင်းချက်အနုပညာလက်ရာကို မှတ်တမ်းတင်ထားဖို့.. ကသောကမျော.အမိအရ..ဓါတ်ပုံရိုက်လိုက်ရသေးတယ်..။
              .သူ.သေချာပြင်ဆင်ထားတဲ့  ပန်းချီကားတစ်ချပ်လို  လှပဆွဲဆောင်မှုရှိတဲ့ ထမင်းစားပွဲလေးဟာ.. ခဏကြာရင်..လေနှင်ရာလွင့်သွားတဲ့  တိမ်တွေလို..တစ်စစီပျောက်ပျက် သွားဦးမှာ မဟုတ်လား..။
++
                  ကင်းဗတ်စပေါ်ကို....အပြာ..ခရမ်း..ပန်းရင့် အညိုမောင်းမောင်း....စုတ်ချက်တွေ.
.ခုန်ပေါက်ဆင်းသွားကြ..။အ၀ါနု..အ၀ါရင့်  တွေကို  ကင်းဗတ်စပေါ် များများ ညှစ်ချသွန်ချ…ကျဲပက်ချ.။
အနီရင့်ရင့်သုတ်လိမ်းစေးပျစ်နေစေတဲ့  စုတ်တံကို..အ၀ါရောင်တွေအနားမှာ တိုထိကစား..။အ၀ါနဲ့အနီ ဟိုတစ်စ သည်တစ်စ..တို့ထိရင်း  သူ့အလိုလို  ရွှေအိုရောင်ယှက်သန်း။
              ရွှေအိုရောင်တွေ....ပျော့အိတွဲကျ.နေရမယ်.။ပျော့အိတွဲကျနေတဲ့   ရွှေအိုရောင် တွေဟာ.
.တောက်ပခမ်းနားနေပေမဲ့  လဲလျောင်းနေတဲ့ ကိုယ်ခန္ဓာသဏ္ဍန်ပေါ်မှာ လေးလံနေရမယ်..။
ပိကျနေရမယ်..။နံရံကျဉ်းကျဉ်းတွေ..မီးခိုး..။ခရမ်းပြာ..။မှိုင်းပြာ..။နက်ပြာ..။မှောင်ပိတ်..။ပိ..။အိ..။ ဖိ..။
ဆန့်တန်းနေတဲ့ ခြေထောက်သဏ္ဍန်တွေ..ဟာ..တံခါးပေါက်ဆီကို  ဆန့်နိုင်သမျှ..ဆန့်တန်း..။
ထွက်ပေါက်နဲ့ဝင်ပေါက်တစ်ပေါက်တည်းဖြစ်နေတဲ့  တံခါးဝမှာ  အလင်းတွေဖြာဖို့..။အပြာ..အပြာ..။
အဖြူတွေ အထပ်လိုက်. အပုံလိုက်ပုံချ.။ဆွဲဖြန့်..။အပြာနဲ့အဖြူရောယှက်ပြီး လင်းလက်နေရမယ်..။  ပြီးတော့...အလင်းဆီသွားရာ.လမ်း။အလင်းကို
 ငံ့လင့်နေတဲ့   ရွှေအိုရောင်အာက်က..၀ိညာဉ်..ဟာ  အလင်းစက်တွေဆီသွားဖို့    ရုန်းထနေရမယ်..။
ဝိညာဉ်ဟာ တောက်ပခမ်းနားနေပေမယ့် မွန်းကျပ်ပိတ်ဆို့နေတဲ့အခန်းထဲက  လွတ်မြောက်နေလိုစိတ်တွေ  ရုပ်လုံးပေါ် ကြွနေရမယ်..။တောက်ပခမ်းနားတဲ..ရွှေအိုရောင်လှိုင်းတွေအောက်က လွန့်လူး..
ရုန်းထမှုတွေနဲ့ မြင်းကပါရွာက  မနူဟာ..။
                                                       “ ချောက်”
စုတ်တံကိုင်ထားတဲ့ လက်တွေဟာ နဲနဲတုန့်သွားတယ်..။နောက်ကို လှည့်မကြည့်ပေမယ့်..တံခါးဖွင့်သံနဲ့
အတူ…တံခါးပေါက်က  မျက်လုံးတစ်စုံဟာ..သူ့ကျောပြင်....။သူ့ အရောင်တွေ..။သူ့လက်တွေ..။သူ့စုတ်ချက်
တွေကို  ကြည့်ရင်း..အဓိပ္ပါယ်အမျိုးမျိုး..ှာဖွေဖွင့်ဆိုနမယ်ဆိုတာ..လှည့်မကြည့်ပဲ..အလိုလို သိနေတယ်..။

                     “ဒီအရွယ်ကျမှ..ဘာလို့  စိတ်ရှုတ်ထွေးစရာ..အဓိပ္ပါယ်ေ၀၀ါးစရာ..နားမလည်နိုင်တာတွေ  ဆွဲချင်နေရတာလဲ..။လောကထဲမှာ ဆွဲစရာ အလှအပတွေ တပုံကြီး..။ဘုရားပုံကို  ဆွဲတာကလည်း...”
                      ကြားနေကျ.. စုံစမ်းစစ်ဆေးသ၀န်ကြောင်သံလွှမ်းတဲ့ အရာရာ လွှမ်းမိုးချုပ်ချယ်လိုတဲ့  ပိုင်စိုးပိုင်နင်း.လေသံကိုလည်း  မပြောခင်ကြို ကြားနေတယ်..။ဒါပေမယ့် ..ခါတိုင်းလို.. ဘာသံမှ ထွက်မလာဘူး..။တိတ်ဆိတ်နေတယ်..။ထူးဆန်းပေမယ့် ..မထူးဆန်းဘူး..။
                                                        “ ကျွီ”
 ခပ်တိုးတိုး  တံခါးပြန်ပိတ်သံကိုပဲ..ကြားလိုက်ရတယ်..။
++   ++
             နောက်ဘက်ကို  လှည့်မကြည့်ပဲ..  ဖြေးဖြေးကလေး ပြုံးလိုက်မိတယ်။ခဏကြာတော့..သူ့စုတ်ချက်တွေဟာ..ခါတိုင်းထက်ပိုပြီး သွက်လက်စွာ.. သူ့လက်ကိုသူ..ယုံကြည်စွာ.. ထွက်ပေါက်တံခါးဝတစ်ဝိုက်မှာ..အဖြူအပြာခရမ်းတွေ နဲ့ယှက်သန်းတောက်ပလိုက်စေတယ်။အလင်းရောင်တွေကို သူတွေ့ သွားပြီ..။အလင်းကို ဖမ်းဆုပ်ယူဖို့  နည်းည်းတော့ ..ပိုအားထုတ်ရမယ်..လို့တွေးရင်း. ပန်းချီကားကို ..ဒီနေ့အတွက်.. လက်စသတ်လိုက်တယ်။
+++