Tuesday, May 18, 2010

ငွေမင်အောက်က ရတနာ


၁၉၉၁ခုနှစ်မှာပေါ့။
ပြင်ပရာသီဥတုကလဲ မိုးဦးကျကို မိုးမရွာဘဲ အုံ့ဆိုင်းမွန်းကျပ်လို့။ နိုင်ငံရေးရာသီဥတုကလဲ မွန်းကျပ်ပိတ်ဆို့။ ဒီလိုအချိန်မှာ အမျိုးသား စာဆိုကြီး ဆ၇ာကြီး မင်းသုဝဏ်က ကဗျာ တပုဒ်ကို ခံစားချက် အပြည့်နဲ့ ရေးလိုက်ပါတယ်။``မိုးဦးဆုတောင်း´´တဲ့။
ဒါပေမဲ့ ...ဒီကဗျာလေးဟာ စာဖတ်သူ တွေဆီကို လွယ်လွယ် ကူကူ ရောက်လာ တာမဟုတ်ပါ။ အဲဒီအချိန်က...ငွေမင်သုတ်တယ်၊ ဆုပ်ဖြဲတယ် ဆိုတဲ့ မဂ္ဂဇင်းတွေ ကပ်ဆိုက် နေချိန်။ ဘယ် မဂ္ဂဇင်း မှာလဲ တော့ မမှတ်မိပါ။ ဆရာကြီးရဲ့  ကဗျာကလေးကို ငွေမင်တွေ ဖုံးလျက်သား နဲ့ ပါလာ ပါတယ်။ ဘယ်ရ မလဲနော်...ဓါတ်ဆီ ဆွတ်ထားတဲ့ ဂွမ်းစ ကလေးနဲ့ ဖြေးဖြေးချင်း ပွတ်တိုက်ပြီး တူးဖော်ကာ ခက်ခက် ခဲခဲ ဖတ်ခဲ့ ။ထပ်တူ ခံစား သိမ်းဆည်း ခဲ့။ ၁၉ နှစ် အကြာ ဒီနေ့ ရဲ့  မွန်းကြပ်မှုတွေနဲ့ သွားပြီး တထပ်တည်း ကျနေ တယ် ထင်လို့။ ပြန်လည် မျှဝေ လိုက် ပါတယ်။

+++++

``မိုးဦးဆုတောင်း´´
-
အိုက်လှပူလှ နေခက်လှဟု
နေ့ညညည်းကာ တုိ့သူငါသည်
ရွာပါမိုးမင်း တမ်းတလျက်။
တတမ်းတတ နွမ်းလျလျနှင့်
မိုးဝမျှော်ကာ၊နေကြခါဝယ်
တက်လာတိမ်ပုတ်၊နောက်တောင်က။
တက်လာတိမ်ပုတ်၊မိုးဝအုပ်သော်
မလှုပ်ယှက်သာ၊ပိုအိုက်လာသည်
ရွာပါမိုးမင်း၊တမ်းတမြဲ။
တမ်းတခိုက်မှာ၊မိုးဒေ၀ါသည်
မျက်နှာပေါက်ဆိုး၊ရှစ်ခေါက်ချိုးနှင့်
ဂျိုးဂျင်းဟိန်းဟောက်၊ချုန်းခြိမ်းပျောက်သည်
အောက်မှာကျွမ်းထိုး၊ဒို့အများ
မိုးကြိုးပစ်မှာပါလေလား။
မိုးဖြူမစဲ၊မိုးမဲမရွာရှေးဆရာတို့၊
မိန့်မှာသည့်တိုင်း တပိုင်းမှန်ကန်၊
တပိုင်းကျန်သည် မှန်ပါစေတော့ရှေးစကား
မိုးဖြူရွာသွန်းပါစေသား။
မျှော်လင့်စောင့်စား လူအများ
မိုးဖြူရွာပါ့၊ခုမနား
ကယ်ပါယူပါ အိုနတ်များ။ ။
မင်းသုဝဏ်

Monday, May 17, 2010

မဟော်သဓါရေ

ကမ္ဘာမီးလောင် သားကောင်ချနင်းဖို့ဝေး
ကိုယ့်သွေးသားကို
သားသတ်ရုံမှာ အမဲပေါ်သလို
ဟိုဘက်သည်ဘက်
မလုယက်ချင်။
ရက်ရက်စက်စက်
လက်ဦးမှုယူတဲ့
ဘီလူးယုတ်ရဲ့လက်ထဲမှာ
ကိုယ့်ရင်ကဖြစ်ရတဲ့ရတနာ
အို... မြတ်စွာဂေါတမ
ဇာတ်ကြီးဆယ်ဘွဲ့ထဲလာပါရစေ
မဟော်သဓာ ဘယ်မှာနေ
မဟော်သဓာ ကယ်ပါလေ။ ။

နီဂျူလိုင် (၈. ၇. ၀၈)

Monday, May 10, 2010

ရေ - ရေ- ရေ ပေးပါ


ခြစ်ခြစ်တောက် ပူပြင်းသော နွေနေ က ဘယ်သူ့ ကိုမှ မညှာတာ။ လမ်းဘေး မှ အေးမြ အရိပ်ပေး သည့် သစ်ပင်ကြီး များ လဲ မရှိ တော့။ တနှစ်ထက်တနှစ် အညာ ဆန်လာသော အပုပိုင်းဇုံ ထဲ ရောက်မှန်း မသိ ရောက် လာသော ကျမ တို့ မြေလတ် ဒေသ ကလေးမှာ ဒီလောက် ရေဘေး ဒုက္ခ ကြုံနေ ရတာ ။ တသက်နဲ့ တကိုယ် မကြား ဖူး ခဲ့။

သတင်း တွေထဲမှာ ဖတ်ရ ကြားရသော ရေချို ရှားပါး ပြတ်လပ်မှု သတင်းများ.. ဧရာဝတီ တိုင်း နာဂစ် ဒေသမှသည် ရန်ကုန်တိုင်း ပဲခူးတိုင်း ၊ တနိုင်ငံလုံး အနှံ့။ ဟိုနေရာ ဒီနေရာကြားနေရာမှ ။ ခုတော့ ကိုယ့်အနား ရောက်လာပြီ။ အံ့သြယုံ မှင်သက်ယုံ စာနာယုံ နဲ့မရ။ ၀ိုင်းကြ ၀န်းကြရပြီ။ ကျမတို့မြို

့ကလေး အနီးမှ ရွာ ၁၀ ရွာ ခန့်မှာ သောက်ရေ သုံးရေ ပြတ်လပ်နေ ပြီတဲ့။



``အမရေ...တခါမှ မကြားဖူးဘူး။ ရေချိုတွင်း တွေလဲ အကုန်ခန်း၊ ကျီးကွင်းတွေ တောင်ပေါ်လို့။စက်ရေတွင်းတွေလဲ ရေမထွက်တော့ ဘူး။´´



``ဘယ်တုံးကမှ ရေမခန်းခဲ့ဖူးတဲ့ ဆောင်းဘဲကန်ကြီးလဲ ရွှံ့ အိုင်ကြီး ဖြစ်နေဘီ´´


``ဟဲ့....နင်တို့ အနားက အင်းမအင်း ကြီးကကော၊ဘယ်တုံးကမှ ရေမခန်းဖူးတာ´´


``မရှိတော့ ဘူး.. အမရေ... ခုနှစ် အစောကြီး ကတည်းက ရေခန်းလို့၊လူတွေ ငါးဝင် ပက်ကြတာ...ရေတပေါက်မှ မရှိတော့ဘူး။´´


``ဆည်မြောင်း် လက်တံ တွေကကော....ရေမရှိဘူး လား ဟဲ့´´


``အမကလဲဗျာ...ဆည်ရေ ဆိုတာ လိုချင်ရင် မလာဘူး။ မလိုချင်မှ ရေလွှတ်တာ.. အမလဲသိသားနဲ့´´


``ဟဲ့...လူတွေ ဒီလောက် ဒုက္ခရောက်နေကြတာ..ဘယ်သူမှ ရေလွှတ်ပေးဖို့ မစီစဉ် ကြဘူးလား။လိုအပ် သည်များကို စီစဉ် ညွှန်ကြား နေကြ သူတွေ...ဘယ်သွား အိပ်နေ ကြ သတုံး...´´



``သိပါဘူး အမရယ်... ရွာက လူတွေ သွားပြော ကြတာ ဘဲ... ဒါပေမဲ့ ရေလို ချင်ရင်...ရေလောင်း ရမယ်လေ.. ကျနော်တို့လဲ လောင်း ရလွန်း လို့..ရေတောင် မကျန် တော့ပါဘူး။ ခုခေတ်က ပုဒ်မ(၄)ေ လ... ပေးမှလုပ်တာ အမရဲ့... ´´


``တော်ပါတော့ဟယ်´´



+++



နောက်ဆုံးတော့ ကိုယ်မထူ လျင် ကိုယ် မထ ရသော ခေတ်ကြီးမို့ ကျမတို့ လူထု ကဘဲ ကိုယ်ထူ ကိုယ်ထ စတင် လှုပ်ရှား ကြပါဘီ... ထော်လာဂျီ တတ်နိုင်သူက ထော်လာဂျီ။ ဒိုင်နာကား..ဟိုင်းလတ်ကား...အဆင်ပြေရာ ကားများပေါ် မှာ တာလပတ် မိုးကာဖျင် တွေကို ကန် ဖွဲ့ပြီး ရတဲ့နေရာ က ရေကို ယူ... ရေလှူ ထွက်ကြပြီ။ ကျမတို့မြို့ ကလေးက ရေသိပ်မရှားသေးလို့ တော်သေးတယ်။ စက်ရေတွင်း ရှိသူ များ ကလဲ မလာသော လျှပ်စစ်မီး ကိုစောင့်မနေနိုင်။ မီးစက် မောင်းပြီး ရေတင်ကာ ရေလှူ သွားမယ့် သူတွေကို ရေလှူပြီး ရေကုသိုလ် ယူကြ။ ဘုန်းကြီးကျောင်း တွေထဲမှာ ရှိတဲ့ ရေတွင်း ရေကန် တွေက နေပြီး လူငယ်လေး တွေ ကိုယ်တိုင် ထမ်းပြီး ရေစု သူက စုကြ။ ထော်လာဂျီတွေ ပေါ်တင်ပြီး ရေလှူ ထွက်ကြ။ တလမ်းလုံး ရေအလှူ သွားကြတဲ့ ကားတွေ

မပြတ်ကြ။ ရေလှူ ထော်လာဂျီ စက်သံတွေ တညံညံ။



တတ်နိုင်သူတွေက သောက်ရေ သန့်ဗူး တွေဝယ်ပြီး သွားလှူကြ။ မီးသတ်ကား တွေနဲ့ ရေသွား လှူသူတွေ လဲရှိတယ်။ ရေလှူချင် သူက မီးသတ်ကား တစီးကို ကျပ်နှစ်သောင်း ပေးလျင် မီးသတ်ကားက ဆည်ရေရှိတဲ့ နေရာက ရေကို စုတ်ပြီး ရေသွား လှူပေး ပါ သတဲ့။ အလှူရှင် ကိုယ်တိုင် လိုက်လှူချင် သပဆို မီးသတ်ကားကြီး ပေါ်တက်စီးပြီး လိုက်သွားရုံ တဲ့......။


ရေရှားနေတဲ့ နေရာတွေက ရွာတွေဆိုတော့ ကျွဲနွားတွေ သောက်ဖို့ ရေတွေကလဲလို။သက်ကြီး ရွယ်အိွုေကလေးတွေ ကလဲ သောက်ရေ သာမက သုံးရေပါပြတ် နေတော့ အရမ်း ဒုက္ခရောက် နေကြတာပါ။ ရေအလှူကားတွေလာရင် ရေပုန်းတွေ ရေခွက်တွေ ရရာ ဆွဲပြီးေ ပြးထွက် လာကြတာမြင်ရတော့... နာဂစ် မုန်တိုင်းသင့် ဒေသ က လူတွေအတိုင်း။ ရေအလှူရှင် တွေမှာ မျက်ရေ စို့ပြီး၊ မရှိရှိတဲ့ ကြားက

နောက်နေ့ ရေလာလှူဖို့ ဆုံးဖြတ်ကြ။ တယောက်နဲ့ တယောက် လက်ဆင့်ကမ်း နှိုးဆော်ကြရင်း ရေလှူကားတွေ တနေ့ထက် တနေ့များ လာပေမဲ့ ဆင့်ပါးစပ် နှမ်းပက်သလို။


ဒီအတိုင်းသာ ရေရှည် ဆိုလျင် အားလုံး ဒုက္ခရောက်ကြတော့မှာ။ လက်ညှိုး ညွှန်ရာ ရေဖြစ်ရင် တော့လဲ ကောင်းသား။ ခုတော့ လက်ညှိုးတောင် ညွှန်ဖော် မရ.....။



+++++ +++++++



လွန်ခဲ့တဲ့ နှစ်တွေ ကတည်းက ကျမတို့ ဒေသက ချောင်းတွေ မှာ ရေနည်းပါး ခန်းခြောက် လာတာ သတိထား မိကြပေမဲ့...သာမန်ကာလျှံ ကာ နေမိကြတာ။ ဒုက္ခအိုးကြီး ဒီလောက် လျင်လျင်မြန်မြန် က်ိုယ့်အနား ဆိုက်ရောက် လာမှာ မတွေးမိကြ။ ချောင်းထိပ်ဖျား တွေမှာ ဆည်တွေ ဆောက်ကြတာ။တချို့ ချောင်း တွေဆို ဆည်ရေလွှဲမြောင်း တာဘောင်တွေ ဖြတ်ဆောက်ကြတော့ ချောင်း အောက်ဖက်တွေကို ရေမစီး တော့လို့ ချောင်းတွေ ကော ကုန်တာ တွေ။ ပထမ တော့ ကိုယ် နဲ့ သိပ် မဆိုင်သလို။ ခုတော့ ဆည်ရေ ရဲ့ အကျိုး ကျေးဇူးကိုပြည့်ပြည့် ဝ ၀ မခံစား ရဘဲ ဆည်မြောင်း တွေ ဘုံးဘော လအော ဖောက်ခြင်းရဲ့ ဆိုးပြစ် တွေ ကိုတော့ ကောင်းကောင်းခံစားနေရပေပြီ။


တနိုင်ငံလုံးနေရာအနှံ့ ရေခမ်းခြောက်မှုတွေနဲ့ ရင်ဆိုင် နေရပေပြီ။ သောက်ရေ သုံးရေ ရှားပါး ပြတ်လပ်ခြင်း ဟာ တနှစ်ထက် ပိုပို ပူနွေးလာ တဲ့ ကမ္ဘာမြေပေါ်က လူသားတွေကို ခြိမ်းခြောက် နေလေပြီ။ ဒီထက် ပိုကြောက်စရာ ကောင်းတာက ကျမတို့ တနိုင်ငံလုံးရဲ့  အသည်းနှလုံး အသက်သွေးကြော``ဧရာဝတီမြစ်ကြီး´´ရဲ့  အနာဂတ်။



ယခုတောင် ဧရာဝတီ မြစ်ရေတွေ တနှစ်ထက် တနှစ် လျော့ပါးနေပြီတဲ့။ ဧရာဝတီ မြစ်ဆုံ ရေကာတာကြီး တည်ဆောက် ဦး မတဲ့။ ဧရာဝတီမြစ်ဆုံ ရေကာတာကြီး တည်ဆောက်ပြီးလျင် ဘယ်သူတွေအကျိုးရှိပြီး ဘယ်သူတွေ အကျိုးယုတ်မှာလဲ။ ကျမတို့ တိုင်းပြည်အတွက်တော့ အခုကြုံတွေ့နေရသော သဘာဝ ဘေးအန္တရာယ်များ ထက်ကြောက်စရာ ကောင်းသော ဘေးဆိုးများကို

လက်ကမ်းနေလေပြီ။ ကျမတို့ အားလုံး တယောက်မကျန် သဲကန္တာရ အတွင်းမှ ``ရေ....ရေ.....ရေ...ပေးပါ´´ လို့ အော်နေ ပါသော်လည်း ရေ လာလှူမယ့် သူတောင် ကျန်ပါဦးမလား။ ။



Wednesday, May 5, 2010

မျက်လှည့်


မျက်လှည့်ပါဆိုမှ
ကြည့်ချင်သေးသပဆို
ကြွခဲ့
မျက်စိတွေကိုလှည့်ပစ်မယ်
မျက်လှည့်။
ယမ်းငွေ့တွေကြားထဲ
ဂျိုးဖြူလေးတွေလဲ
မျက်လှည့်။
ဓားပေါက်သူကလဲ
မျက်လှည့်။


ဓားပေါက်ခံသူကလဲ
မျက်လှည့်။
ပေါက်ဓားတွေကလဲ
မျက်လှည့်။
ရှေ့ ပိုင်း
နောက်ပိုင်း
အလယ်ပိုင်း
တယောက်ထဲတကိုယ်တော်ကြဲသွားတဲ့
မျက်လှည့်ဆရာကြီးကလဲ
မျက်လှည့်။
ပွဲမပြဖြစ်လဲ
ငွေပြန်အမ်းချင်မှအမ်းမယ်
ခင်ဗျားတို့ရုံဝင်ခတွေ
လေထဲမှာပြာမှုန်လေးတွေဖြစ်သွားပြီ
ယုံချင်ယုံမယုံချင်နေ
မျက်လှည့်။
ကိုယ့်ပိုက်ဆံနဲ့ကိုယ်
အလိမ်ခံချင်ရင်
ကြွခဲ့....မျက်လှည့်။ ။

Sunday, May 2, 2010

ဘလော့တဲကုပ်အစ

ခု ရက်ပိုင်း မှာ ညီမလေး က ကိုယ့်ကို ကိုယ်ပိုင် ဘလော့ လေး တစ်ခု လုပ်ပေး လိုက်တယ်။


လူ တကိုယ် ၀ါသနာ တမျိုး ဆိုပေမဲ့ ကိုယ်ကတော့ ငယ်ငယ် တည်း က ပန်းချီ ဆွဲ နေရရင် လဲ ထမင်းမေ့ ဟင်းမေ့။ ကဗျာ လေး စာလေး တွေ လဲ ရေးပြီး ဟိုပို့ ဒီပို့။ ဒါပေမဲ့ဘယ်မှာ မှ ဟုတ်တိ ပတ်တိ တော့ မဖြစ်ထွန်း ပါဘူး။ ကျောင်း မဂ္ဂဇင်း လေး တွေ နဲ့သူငယ်ချင်း တွေ စု ထုတ်ကြ တဲ့ ကဗျာ စာအုပ် လေးတွေက လွဲလို့ ဘယ်မှာ

မှဖော်ပြ မခံရ ဘူးပါ။ ရန်ကုန် တက္ကသိုလ်ကြီး ကို ရောက် တော့လည်း ကိုယ် မရောက်ခင် နှစ်က တက္ကသိုလ် နှစ်လည် မဂ္ဂဇင်း ကို ထုတ်ခွင့် ပိတ် ခံ ထား ရ တယ်လို့ ကြား ရ တယ်။ ကလောင် သွေး ခွင့် မရ ခဲ့ ပါဘူး။ ကျောင်းပိတ် လို့ ပြန်လာ တဲ့ အစ်ကို အစ်မ တွေ ပြောကြ တာ တော့ ၁၉၈၃-၈၄ တက္ကသိုလ် နှစ်လည် မဂ္ဂဇင်း မျက်နှာဖုံး က ပြဿနာ တက်တာ တဲ့။ မဂ္ဂဇင်း ရဲ့ ရှေ့ဖုံး ကို မောင်မြင့်ဌေး ဆိုသူ က ရေးဆွဲပြီး နောက်ဖုံး ရေးဆွဲသူ ကတော့ `လှမိုး´ လို စာအုပ်မှာ ဖော်ပြထား ပါတယ်။



စာအုပ် ၄ အုပ်ရဲ့ ကျောဖုံး ပုံချင်း ဆက်လိုက်ရင် `လွမ်းသူ့ ပန်းခွေ´ ပုံ ဖြစ်သွား တယ်ဆို လို့ဆက်စပ် ကြည့်ကြ။






မျက်နှာဖုံး မှာလည်း တချို့ ပုံ တွေဆိုမှန်ထောင်ပြီး ကြည့်ရင် အားကစား လုပ်နေ သူတွေ ရဲ့ ပုံ က နေ `ကျောင်းသား အရေးအခင်း တစ်ခုမှာ စစ်သား တွေက ကျောင်းသားတွေကို လှံစွပ် နဲ့ ထိုးနေပုံ´ ကို သွားတွေ့ ရ ပြန်ရော။


စာအုပ် ကို ဇောက်ထိုး ကြည့် လိုက်ရင်`အသုံးလုံး´စာသင် နေတဲ့ ပုံတွေ က နေမကြေနပ် လို့ ကျစ်ကျစ် ပါအောင် ဆုပ် ထားတဲ့ လက်သီးဆုပ် တင်းတင်း ကြီး ဖြစ် သွားရော။ ဟော.. ဒါ ကတော့ ဦးသန့် အလောင်း ကို ကျောင်းသား တွေထမ်း လာပုံ။ ဒီမှာက ဗိုလ်ချုပ် အောင်ဆန်း ပုံ။





`ဟယ်...ကြည့်စမ်း ဘွဲ့ ၀တ်စုံ ၀တ်ထားတဲ့ သူက ခေါင်းမှာ အပေါက်ဟောင်းလောင်း ကြီး .. ဘွဲ့တွေသာ ရပေမဲ့..ဘာမှ ခေါင်းထဲ မရဘူးလို့ ဆိုချင်တာ နေမယ်...ဒါကြီးက လူသေ ခေါင်းခွံကြီး၊ အရေး အခင်း တွေမှာ အသတ် ခံရတဲ့ ကျောင်းသား အရိုး တွေ ကို ဖော် ထားတာ။ သူတို့ ကျောင်းမှာ သိလာ သမျှပြောပြ နေတဲ့ အစ်ကို အစ်မတွေ ပြတဲ့ ပုံတွေကို ကြည့်ရင်း ကြက်သီး တမြမြ၊သွေး တကြွကြွ၊ အံ တကြိတ်ကြိတ်။



ဒါမျိုး ကိုယ် သုံးတန်း ကျောင်းသူ ဘ၀က တစ်ခါ ကြုံဖူး ပါတယ်။ ၁၉၇၄ ဦးသန့် အရေးအခင်း အပြီး ထွက် လာတဲ့ နှစ်လည် မဂ္ဂဇင်း စာအုပ်ကို ၇၄ အရေးအခင်း မှာ ပါခဲ့တဲ့ ကျောင်းသား ဟောင်း ဦးလေး က ၆၂ အရေးအခင်း ကျောင်းသား ဟောင်း ကိုယ့်ဖေဖေ ကို လာပြ တာပေါ့။ ငယ်သေး လို့ သိပ် မမှတ်မိ ပေမဲ့ ဖေဖေ တို့ရဲ့ နာနာ ကျည်းကျည်း ပြောသံ ဆိုသံ တွေနဲ့ အတူ မဂ္ဂဇင်း မျက်နှာဖုံးပုံ ပေါ်က သွေးစွန်း နေတဲ့ ကွန်ဗို ကေးရှင်း ပုံ ၊ အင်းလျား ကန်ထဲက ကျွန်းကလေး တွေကို ပုံဖော် ဆွဲထားတဲ့ စုတ်ချက် တွေက`နေ၀င်း သေပါစေ´ ဆိုတဲ့ စာလုံးတွေ ဖြစ်နေပုံ။


စစ် အာဏာရူး တို့ လက်ချက် နဲ့ လက်နက်မဲ့ ကျောင်းသား တွေ သွေးမြေ ကျခဲ့ ရတဲ့ ကြေကွဲ ဖြစ်ရပ် တွေဟာ အခွင့် သာ တိုင်း ကမ္ဘာ မကြေစွာ ပြန်ပေါ် လာစမြ ပါလား။ ဘယ်လိုမှ ဖျောက်ဖျက် မရ ပေမဲ့ အာဏာရူး ပီပီ၊ အာဏာ သုံးပြီး ကျောင်းသား တွေရဲ့ လွတ်လပ် စွာ ဖော်ထုတ်ခွင့် တွေကို တားဆီး ပိတ်ပင် မြဲ။ သည်တော့ ကိုယ် တက္ကသိုလ် မြေမှာ ခြေချ ခဲ့ရတဲ့ ၂ နှစ်တာ ကာလမှာ ရန်ကုန် တက္ကသိုလ် ပန်းချီ ခန်းလေးက အမှောင် လွှမ်းသော ခေတ်မှာ၊ သော့ခတ် ချိတ်ပိတ် အသံတိတ် လို့ပေါ့။ ကိုယ်ကတော့ ပန်းချီခန်း လေးနား ရစ်သီ ရစ်သီ ကြည့်ရင်း၊ ကိုယ့် ကျောင်း မဟုတ်တဲ့ စက်မှု တက္ကသိုလ် ရဲ့ ပန်းချီ သင်တန်း ကိုပဲ မျက်နှုာ ငယ်ငယ်နဲ့ တက်ခဲ့ ရတာ။ ဆရာ ကတော့ ဆရာကြီး ဦးလွန်းကြွယ် ပါ။


ယောက်ျားလေး တွေ ကြားထဲမှာ သင်တန်းသူ မိန်းကလေး က ကိုယ် အပါအ၀င် ၃ ယောက်တည်း ရယ်လေ ။၃ယောက်လုံး စက်မှု တက္ကသိုလ် က မဟုတ်ကြ။မိန်းထဲမှာ ပန်းချီ သင်တန်း မဖွင့်ဖြစ်လို့ လာတက်ကြ သူတွေ။နောက်ဆုံးနှစ် ကျောင်းပိတ် ခါနီး မှ ပန်းချီ သင်တန်း အတူ တက်တဲ့ အီကိုကသူငယ်ချင်း က ပြောလို့ မိန်းထဲမှာ ပန်းချီခန်း လေး ပြန်ဖွင့်ခွင့် ရတာ သိရ တယ်။


အပြေးအလွှား သွားခဲ့တော့ အဲသည် အခန်းလေး ကို သိမ်းဆည်း ရှင်းလင်း နေတဲ့ ပန်းချီမမွှေး က နွေးနွေး ထွေးထွေး ကြိူဆိုရင်း `တို့တွေ အာရ်စီ ထဲမှာ ပန်းချီ ပြပွဲ လုပ်မယ် ညီမတို့ ပုံတွေ ဆွဲတင် နော်´ တဲ့။ ကိုယ်က ထုံးစံအတိုင်း မ၀ံ့မရဲ။ `ညီမ သိပ် မဆွဲတတ် ပါဘူး အစ်မရယ်´ပေါ့။ တကယ်တော့ အဲသည် မတိုင်ခင် အီကို မှာလုပ်တဲ့ ပန်းချီ ပြပွဲလေး တစ်ခု မှာ ကိုယ့် ရေဆေးကား မှုန်ဝါးဝါး လေး၃ ပုံ တင်ဖူးတယ်။ ဆရာ ဦးခင်မောင်ညို (ဘောဂဗေဒ) ဆီမှာ ၃ ပုံကို ခြောက်ကျပ် လားမသိ ပြပွဲတင်ခ ပေးခဲ့ ရတာ၊ ပြန်တွေး ကြည့်ရင် ရီစရာ။ ပန်းချီပြပွဲ နေ့မှာ သူငယ်ချင်း တွေကို မပြောပဲ တိတ်တိတ် ကလေး သွား ကြည့်ပြီး ကိုယ်ဆွဲတဲ့ ပုံလေး တွေ ချိတ်ထားတာ တွေ့ရ မှ ၀မ်းတွေ သာလို့။ ကိုယ်တင် တဲ့ ပန်းချီကား ထဲက တစ်ပုံတော့ မှတ်မိ တယ်။ လယ်သမား အဖိုးအိုကြီး တစ်ယောက် ရဲ့ မျက်နှာ အနီးကပ် ပုံ။ မျက်နှာရှေ့မှာ လက်သီး ကို ကျစ်ကျစ် ဆုပ်လို့၊ မျက်လုံး တွေက မျက်ရည် တွေနဲ့ နီ လို့၊ ပြပွဲ အပြီး မှာတော့ ရှက်လို့ ကိုယ့် ပန်းချီကား တွေ ပြန်မယူ ဖြစ်ပါ။ အဲဒီ တုံးက ကိုယ်က ပန်းချီနဲ့ ပတ်သက်လို့ ၀ါသနာ အလျှောက် ထင်သလို ဆွဲနေတာ။ဆေးတို့ စုတ်တံတို့၊ စက္ကူတို့ကို လဲ ရှိတာ လေးနဲ့ ဆွဲချင်သ လိုဆွဲနေ တာလေ။


နောက်တခါက အာအိုင်တီ ပန်းချီ သင်တန်း ဆင်းပွဲမှာ လုပ်တဲ့ ပန်းချီပြပွဲ မှာ ကိုယ့်ပုံ လေးတွေ တင်ဖူးတယ်။ကိုယ်တက်တဲ့ ပထမနှစ် ပန်းချီ သင်တန်း က အခြေခံက စသင်တာ ဆိုတော့ ခဲနဲ့ ဆွဲတာ တွေကိုဘဲ အရင် စ သင် ရတယ်။နှစ်ကုန် ခါနီးမှ ရေဆေးနဲ့ ရေမျှော တာတွေ ကို အရောင် မပါဘဲ မိုနိုတုံးနဲ့ ဘဲ သင်ရတယ်။ သင်တန်း ဒုတိယနှစ် မှ အရောင်တွေ ကို စသင် ရမယ်။ ဆရာ ဦးလွန်းကြွယ် က မိုနိုတုံးနဲ့ မကျွမ်းကျင် သေးခင် အရောင်တွေနဲ့ ဆွဲတာတွေ သိပ်အား မပေးပါ။ ဒီတော့ သင်တန်း ဆင်းပွဲ မှာ ကိုယ်က အခြေခံ စသင် တဲ့ ပွိုင့်လေးတွေ ကို ဆက်ပြီး `ပွိုင့်များဧ။် စစ်မျက်နှာ အဖွင့်´ ဆိုတဲ့ ခေါင်းစဉ် နဲ့ စစ်တုရင် ခုံပေါ်မှာ နယ်ရုပ် ကလေးတွေ စရွှေ့့ထားတဲ့ ပုံလေး ဆွဲတင် လိုက်တယ်။အဲလိုဘဲ သင်ခန်းစာ တခုတိုင်း အတွက်တပုံစီ ဆွဲ တင်တယ်။ နောက်ဆုံး မိုနိုတုံးနဲ့ ရေမျှောတဲ့ ပုံကလေး ကိုတော့ ကိုယ်တို့ ရင်ထဲမှာ ငယ်ငယ် ထဲက စွဲထင် နေခဲ့တဲ့ သမိုင်းပုံရိပ် ကလေး တခုကို ဆွဲတင် လိုက်တယ်။ခေါင်းစဉ်က `ဗိုလ်အောင်ကျော် အမှတ်တရ´။အဲဒီ ပန်းချီကားကို ဆွဲဖို့ မန္တလေးဆောင် ရှေ က သမိုင်းဝင် ကျောင်းသား သမဂ္ဂ ၀င်းကြီး ရဲ့  ၀င်ပေါက် အုတ်ခုံလေး ပေါ် ထိုင်ပြီး ဗိုလ်အောင်ကျော် အမှတ်တရ အုတ်ဂူလေး ကိုပုံကြမ်း ကြည့်ဆွဲ တယ်။ နောက်ခံက ကွပ်လပ် ဖြစ်နေ တဲ့ သမဂ္ဂ နေရာ ဟောင်းကြီး ရယ်။နောက် ဝေးဝေးက အားကစားရုံ ကြီးရယ်။ အိမ်ရောက်မှ အရောင် သွင်း တော့ တကားလုံး ကို အနီရောင် ဆေး မိုနိုတုံး နဲ့ ရေမျှော လိုက်တယ်။အနှစ်နှစ် အလလ က နာကျင် ခံစားချက် တွေကို တကားလုံး သွေးရောင် လွှမ်းနေတဲ့ ပန်းချီကား လေးထဲကို စီးမျော ထဲ့သွင်းပြီး ဆွဲ လိုက်တယ်။



+++



သင်ကြုံကြိုက် လို့ ရောက်ရှိတဲ့ အခါ.....လာ ကြည့်စမ်းပါ....

ယူနီယံ ဟောင်း တနေရာ...

ယူနီယံ ဟောင်း တနေရာ....

မသဲမကွဲ ရှိလဲရှိမှာ....သဲသဲ ကွဲကွဲ..ရှိလဲ ရှိမှာ..

.သွေးစက် တွေလဲ..တ၀က် တပျက်..ဆက်လက် ရှိဦး မှာ....

ဖက်ဆစ် နယ်မြေ...သင် ဖွေရှာ....

ယူနီယံေ ဟာင်း အဲဒီ တနေရာ......



+++ +++++


ပြပွဲ နေ့မှာ ကိုယ့် ပန်းချီကား တွေ အားလုံး ကို ဆရာကြီး ဦးလွန်းကြွယ် က`သင်တန်းရဲ့ မှတ်တမ်း အနေနဲ့ တနေရာ ထဲမှာ စုပြ ထားဖို့ စီစဉ်တယ်။အဲဒီတော့ သင်တန်း မှတ်တမ်း ပန်းချီကားများ ဆိုတဲ့နံမယ်ဘဲ တပ်လိုက် တယ်။` ဗိုလ်အောင်ကျော် အမှတ်တရ´ဆိုတဲ့ ခေါင်းစဉ် ကလေးမတပ် ခံရ ဘူး။


ပြပွဲနေ့ မှာ ကိုယ် သွားကြည့် တော့ အနီရောင် ဆေးမျှော ပန်းချီကားလေး ဟာ ခေါင်းစဉ်မဲ့ လို့။ဒီပုံထဲက ကျောက်တိုင် ပုပု ကလေးနဲ့ သွေးရောင် လွှမ်းတဲ့ ကွပ်လပ်ကြီးဟာ ဘယ်နေရာ က ဘာကို ပြောချင်နေ တယ် ဆိုတာလူတွေ သိချင်မှ သိတော့မယ်။ ဒီ ပန်းချီ ပြပွဲ အပီး မှာ တော့ ကိုယ့်ပန်းချီ ကားလေးတွေ တခု မကျန် အကုန် ပြန်သိမ်း ဖြစ်ခဲ့ တယ်။


ရန်ကုန် တက္ကသိုလ် ပန်းချီခန်း က လုပ်တဲ့ အာရ်စီ ထဲက ပြပွဲ မှာတော့ ကိုယ် ဘာပုံ မှ မတင် ဖြစ်ပါ။ အကြောင်း က ဒီလို....အဲဒီနေ့ က မမွှေးနဲ့ အတွေ့မှာ ` ညီမတို့ ၂ ယောက် ကို ပန်းချီ ပြပွဲ ဖွင့်ပွဲမှာ ဖဲကြိုး ဖြတ်ဖို့ဖဲကြိုးလေး ကိုင်ပေးနော်´ `ဒုက္ခော ... အဲဒါ ကိုယ်နဲ့ ဘယ်လိုမှ မပတ်သက်တဲ့ ကိစ္စ´ `ဟာ..မလုပ်ချင်ပါဘူး အစ်မ ရယ် ..´ ဆိုတော့ ပြော မရ။`ဖဲကြိုး လည်း ကိုင်ပေး ပန်းချီကား လည်း တင်´ တဲ့။


`ကျမက အရောင် တွေ သိပ်မဆွဲ တတ် သေးဘူး။ မိုနိုတုန်း ပဲ ရတယ်´ ဆို တော့ `မိုနိုတုန်း လည်း

ဆွဲတတ်ရင်ကောင်းတာ ပဲ တင်သာ တင်ပါ ညီမ´။ အီကိုက သူငယ်ချင်းကလည်း `ဖဲကြိုးလေး ကိုင်တာ များ ဘာခက် လဲ´ တဲ့လေ။ ကိုယ်လည်း ရောယောင်ခေါင်းညိတ်ခဲ့ပေမဲ့ ပြပွဲ ဖွင့်တဲ့ နေ့မှာ မသွား ဖြစ်ပါ။ရန်ကုန် တက္ကသိုလ် ပန်းချီ ပြပွဲရဲ့ ဖွင့်ပွဲ မှာ ဖဲကြိုး ကိုင်မဲ့ သူတွေ ပေါမှ ပေါ။ ကိုယ်မသွား လည်း ဘာမှ မဖြစ်ဘူး လေ။ ဆွဲပြီးသား ကိုယ့်ပုံ လေးတွေ ကို တင်ရ မှာ မ၀ံ့မရဲ ဖြစ်ပြီး မတင် ဖြစ်ပါ ဘူး။ ကိုယ်တို့ ဆရာ ဓာတုဗေဒ က ဒေါက်တာ ခင်မောင်ညို က ဆရာ တီ ကောင်လေး တွေ ဆွဲထား တယ်လာ ကြည့်ကြ လို့ စာသင်ခန်း ထဲမှာ ဖိတ်ခေါ် ထားလို့ နောက်နေ့ တွေမှ တိတ်တိတ် ကလေးသွားကြည့် ခဲ့တယ်။


အဲသည် အချိန် တုန်း က ကျောင်းထဲ မှာသာ ပန်းချီ ပြပွဲ တွေ သိပ် မရှိတာ ကျောင်းရှေ့ ပြည်လမ်းပေါ် က ယုဒဿန် ပန်းချီ ပြပွဲ တွေ တော့ ကိုယ် အလွတ် မပေး အမြဲ ကြည့်ဖြစ် တယ်။


နောက်နှစ် ကျောင်းပြီးလို့ နယ် ပြန်ရောက်။ ရှစ်လေးလုံး အရေးအခင်းကြီး ဖြစ်ပြီးတဲ့ နောက်ပိုင်း မှာတော့ ပန်းချီနဲ့ အလှမ်းဝေး သွားခဲ့ ရတယ်။ နောက် ၀ါသနာ တမျိုးအရ မဂ္ဂဇင်း တွေကို ကိုယ် ရေးထားတဲ့ စာတွေ ကဗျာတွေ စာတိုက်က ပို့ဖူး တယ်။ ကိုယ့် စာလေး တွေ ကဗျာလေး တွေ ပါ မလားလို့ တောမြို့ လေး ကနေ တစောင့် စောင့်နဲ့။ သည်လောက် ပါပဲ။


ခုတော့ အင်တာနက်ေ ခတ် ဘလော့ဂါ ခေတ်။ ညီမလေး က အားပေး တယ်။ မမ ကဗျာတွေ စာတွေ ပို့လိုက်။ ညီမ ဘလော့မှာ တင် ပေးမယ် ဆိုလို့ လေးငါးပုဒ် ရေးလိုက် တယ်။ကိုယ့် စာလေး တွေ ကဗျာလေး တွေကို ကောင်းကင် ပေက နံရံကပ် စာစောင် မှာ ၀ိုင်းဝန်း ဖတ်ကြ အားပေး ကြတဲ့ ညီမလေး ရဲ့ ဘလော့ဂါ မိတ်ဆွေ တွေ ကိုလည်း ကြည်ကြည် နူးနူး ကျေးဇူး တင်လို့ ပေါ့။


ဒါပေမဲ့ တစ်ခု သွား တွေးမိတယ်။ အလည် လာသူတွေ က သူ့ ဘလော့ကို ဖတ်ချင်လို့ လာတာ။ ကိုယ်က ပြည်သူ့ဆိုင် က ရောင်းမစွံ တဲ့ တိုင်ယာ ဖိနပ်နဲ့ ရွှေဝါ ဆပ်ပြာ တွဲ ထုတ် သလိုများ ဖြစ်နေ မလား။ သူ့ ဘလော့ ပရိသတ် တွေကို စော်ကား သလိုများ ဖြစ်နေ မလားလို့ တွေးရင်း သူ့ဆီ

အသစ် ထပ်မပို့ပဲ ရပ်ထား လိုက်တယ်။


ဒါပေမဲ့ ဆိုင်းသံ ကြားရင် ကချင်တဲ့ သူလိုပဲ မရေး ရရင် မနေ နိုင်တဲ့ ကိုယ်က ကိုယ်ပိုင် ဘလော့လေး တစ်ခု လိုချင်မိတယ်။ အပိတ် အဆို့ အကျော် အလွှားတွေ သုံးလို့ ဟိုစမ်း သည်စမ်း လုပ် မရတဲ့ အဆုံးမှာ ညီမလေး ကို ဘလော့ တစ်ခု လုပ်ပေးဖို့ ပူဆာ မိတယ်။ ဒါနဲ့ သူ ကလည်း တားမရလို့ အိမ်ခွဲ ဆင်းပေး လိုက်တယ် တဲ့။ တကယ် တော့ ဘလော့ အိမ်ကြီး ရခိုင် မဟုတ်ရ ပါကွယ်။ ဘလော့ တဲကုပ် ကလေး ပါနော်။ `တဲကုပ် ကလေး´ ထဲ ကနေ ကိုယ် တွေးမိ ရေးမိ တာလေး တွေကို တင်ရင်း အဝေး ကပဲ တိတ်တိတ် ကလေး လှမ်းမျှော် ကြည့် နေနိုင် တယ်လေ။


အင်တာနက် လို င်းတွေ ကောင်း ရင် ပေါ့။


ကဲ ခုတော့ ညီမလေး က ကိုယ့်ကို ဘလော့လေး တစ်ခု လုပ် ပေးလိုက် ကြောင်း ကျန်တဲ့ ညီအစ်မ တွေကို ပါ သတင်း ပို့ လိုက် တော့ သူတို့ ဘာတွေ ပြောကြ လဲ.....သိလား။

`ဟိုက်.. တို့ရဲ့ ဖုန်ထူထူ မြို့ ကလေးက အိမ် ကလေး တော့ ပင့်ကူမျှင် တွေ အမှိုက် တွေ ဖုန်တွေ တလိမ်းလိမ်း နဲ့ နေ တော့မယ်´တဲ့။

`အိမ်သား တွေတော့ ဟင်းခွက်တွေ လျော့ တော့ မယ်တဲ့´ အားပေး လိုက် ကြပုံ များ...။


ကိုယ် ကတော့ ကောင်းကင် နံရံကပ် စာစောင် က တိမ်ကလေး တွေကို အားရင် အားသလို ဆေး ခြယ် ပါဦး မယ်။