သမီးကြီးရေ...
မိ သား စု ဆွမ်း လောင်း မ ပြီး မချင်း စိတ် မအား လက် မအား ဖြစ်နေမိတာ။အောင် အောင် မြင်မြင် ပြီးသွားမှ ဘဲ စာ ရေး ဖြစ် တော့တယ်။မိ သား စု ဆွမ်းလောင်းလို့ ဆိုပေ မယ့် အရင်က လို
မိသား စု တွေ အကုန် မဆုံ နိုင် ကြဘူး။
အတောင် စုံ တဲ့ ငှက် ကလေး တွေ တကောင်ပြီး တကောင် အသိုက် ကနေ ပျံ ထွက်သွား ကြသလို အိမ်ကနေ ခွာသွား လိုက် ကြတာ....။ ဒေါ်လေးတို့ ညီ အမတွေတင် မကတော့ဘူး။ ဒေါ်လေးတို့ ရဲ့  ကလေး တွေထဲက သမီးကြီး တောင်ကိုယ့် အတောင် ကို ကိုယ် ခတ်ပြီး ပျံသန်းနေရပြီ လေ.....။ ကျန် တဲ့ ကလေးတွေလည်း အတန်းတွေ ကြီးလာ တော့ ခါတိုင်း လို ဆွမ်း လောင်း ရက် ကလေးမှာတောင် ...။ နယ်က မိသား စု အိမ်ကလေး မှာ ပြန် မဆုံ နိုင် ကြတော့ဘူး...။
ခုနှစ် တော့ သမီး မေကြီး ရယ် အတန်းငယ်သေးတဲ့ မိ ဇွန် လေး ရယ် ဘဲ လာနိုင် တယ်...။ တော် သေး တာ ပေါ့..။ ဒေါ်လေး တို့ လမ်း ထိပ် က ရပ်ကွက် ဆွမ်း လောင်း ရုံ လေး ရှိလို့ မြို့ ပေါ် သံ ဃာ (၅၀၀) ကျော် ကို ၀ါ တွင်း ဆွမ်းလောင်းနိုင် တာပေါ့...။
ဝါ တွင်း ဆွမ်း လောင်း ဆို တာ ၀ါ ဆို လပြည့် ကျော် (၁)ရက် ကနေ သီ တင်း ကျွတ်လ ပြည့်  နေ့  အထိဝါ တွင်း (၃)လ မှာ ၀ါ ဆို နေ တဲ့ သံ ဃာ တွေ ကို လောင်း တဲ့ ဆွမ်း ပေါ့..။``၀ါ ဆို´´ တယ် ဆိုတာ က၀ါ တွင်း (၃)လ မှာ သံ ဃာ တွေ ဟာ ကိုယ် သီ တင်း သုံး ရာ နေ ရာ ကနေ ည အိပ် ညနေ ခရီး မထွက် ရဘူး။မဖြစ် မနေ ခရီး ထွက် ရ ရင် လည်း ၀ါ ပန် ပြီး မှ ထွက် ရ တယ်။ခရီး ထွက် ဖို့  ခွင့် ပန် တာ ပေါ့ ။ဝါ ပန် ရင် လည်း ခု နစ် ရက် အတွင်း သီ တင်းသုံး ရာ အရပ် ကို ပြန် ရောက် ရမယ်။ အဲ လို အချိန် မီ ပြန် မရောက် ရင် ၀ါ ကျိုး တယ် လို့ ခေါ် တယ်။ အဲ ဒီ တော့ ၀ါ တွင်း သုံး လမှာ စာ သင် တိုက် ရှိ တဲ့ ဘုန်း ကြီး ကျောင်း တွေမှာ အနယ် နယ် အရပ် ရပ် က သံ ဃာ တွေဟာ ပရိယတ္တိ စာ ပေ တွေ သင် ကြား ရင်း ၀ါ ဆို ကြ လို့ ...ခါ တိုင်း ထက် သံ ဃာ တွေ ပို များတယ်။ ဆွမ်း ကွမ်း ပို လိုအပ် တယ် ပေါ့...။ဒါ ကြောင့် ၀ါ တွင်း (၃) လ မှာ ၀ါ တွင်း ဆွမ်း လောင်း ပွဲ တွေ လုပ် ကြ တာ ပေါ့...။
ဒေါ်လေး တို့ ငယ် ငယ် က တော့ ဖေ ဖေ့(သမီး တို့ ဘဘ)ရဲ့ အမေ အဖွား အိမ် မှာ ၀ါ တွင်း ဆွမ်း လောင်း တော့ မယ် ဆိုရင် ရွာ က အမျိုး တွေ ကို လှမ်း မှာ...။ အိမ် ရှေ့  မှာ မဏ္ဍပ် ကြီး ထိုး လို့...။ ဒေါ် လေး တို့ မောင် နှ မ၀မ်း ကွဲ တသိုက် ကတော့ ကလေး တွေ ဆိုတော့ ပျော်တာ ပေါ့ နော်...။ မဏ္ဍပ် ထဲ မှာ ပြေးတမ်း လိုက်တမ်း တွေ ကစား...။ ဒီထိုး တမ်းတွေ ကစား...။ဆူ ညံ လို့...မောရမှန်း မသိ..ပန်းရမှန်း မသိ။ ရွာ က လာ တဲ့ ဘ ကြီး ဘထွေး တွေက ၀က်သား အိုးကြီး ချက် ကို မိုးပြဲ ဒယ် ကြီး တွေ နဲ့ ချက် နေ ကြတာ...တအိမ် လုံးကို မွှေး လို့...။ဒေါ် လေး တို့ ကလေး တသိုက် က ဘုန်းကြီး တွေ ဆွမ်း မလောင်း ခင်ကို သားရေ တယိုယိုနဲ့.....။ မနော ကံ နဲ့ ပြစ် မှား နေကြတာကိုး...။ဒွေး ကြီး ဒွေး လေး တွေက ရွာက အလှူဝင် ဖို့ ယူ လာတဲ့ ဆန် တွေကို ပြာကြ..။ တီးကြ..။ ငပိကြော် တဲ့ သူက ကြော်...။ သရက် သီးပေါက် ချဉ် သုတ် တဲ့ သူ က သုတ်...။ပျား ပန်းခပ်သလိုဘဲ...။အလှူ အိမ် ဆိုတော့ ဆွေမျိုး တွေ ဆုံ လို့ ပျော်စ ရာ ကြီးပေါ့...။
ဆွမ်း မလောင်း ခင် နေ့ ည နေ ရောက် ရင် ဘုန်း ကြီးကျောင်း တွေက ဆွမ်း ဂျိုင့်  ကြီး တွေ တဂျိုင့် ပြီးတဂျိုင့် ရောက် လာကြ ရော...။ဒေါ် လေး တို့ ကလေး တသိုက်က ဘုန်းကြီး ကျောင်းသား လေး တွေသယ် လာ တဲ့ ဆွမ်းဂျိုင့်  တွေကို လက် ခံ သိမ်း ရတယ်...။ပြီး ရင် လူ ကြီးတွေ ဆေး ကြောပေး တဲ့ ဆွမ်း ဂျိုင့် တွေကို အ၀တ် သန့်သန့် နဲ့ ခြောက် အောင်သုတ် ပေး ရတယ်...။ရွှေ ကျောင်း ကြီး လို သံဃာ (၁၀၀) ကျော် ရှိတဲ့ ကျောင်း တိုက်တွေ က ဆွမ်း ဂျိုင့် ကြီးတွေ ဆို ဧရာမ ကြီးတွေ..။သမီး တွေ့ဘူး တယ် လေ..။ည ဖက် ရောက် တော့ လူ ကြီး တွေက ဆွမ်း ဟင်း တွေ ခပ် ထဲ့ကြတယ်..။ဘ ကြီး ဘထွေး တို့ တသိုက် က ဆွမ်း ထမင်း တွေကို ပေါင်း ကြ တယ်...။ ပေါင်း ချောင် ကြီး တွေ နဲ့....။ တပေါင်း ပြီး တပေါင်း...ပေါင်း ကြ တယ်။ ဆွမ်း တွေ နပ်ရင် နှီး တောင်း ကြီး တွေ ထဲ ထဲ့ ထဲ့ ထား တာ...။အငွေ့  တထောင်းထောင်း ပေါ့...။
မနက် အာ ရုံ မတက် ခင် (၃) နာရီ လောက် ကို ဆွမ်းထလောင်း ရတယ်..။ မြို့ ပေါ် ကျောင်း တိုက်တွေက သံ ဃာ ကုန် သူ့ ကျောင်း တိုက် နဲ့ သူ တန်း စီ ပြီး ဆွမ်း ခံ ကြွ ကြတယ်..။ မိသား စု ၀င် တွေ ကလေး လူ ကြီး မကျန် လူစုံ အောင် တယောက် တလှည့် ဆွမ်း လောင်း ကြတာ..ခုထိ မမေ့ဘူး..။ဒေါ် လေး တို့ ငယ် ငယ် မူ လတန်း ကျောင်းသူ အရွယ် ကတည်းက အဖွားက ဦးဆောင် ပြီး ၀ါတွင်း ဆွမ်း လောင်း လာတာနော်..။ ၁၉၈၈ အရေး အခင်း ဖြစ်တဲ့ နှစ်ရဲ့  နောက်ပိုင်း မလောင်း ဖြစ်ကြတော့ဘူး...။ ၈၈ အရေး အခင်း ပြီးကာစ စစ် အုပ် ချုပ် ရေးထုတ် ထား တဲ့ အချိန်
မှာ ၀ါတွင်း ဆွမ်း ထချက် ချင် ရင် သက် ဆိုင်ရာ အာ ဏာ ပိုင် တွေ ကို ခွင့် ပြု မိန့်  သွား တောင်းရ မယ် ...ဖြစ် ရော။ အဖွား မရှိ ကတည်း က ဦးဆောင် ဆွမ်း လောင်း လာတဲ့ အရီး (သမီး တို့ ဖွားလေး) က သူ တို့ ကို ခွင့် မတောင်းချင် တာနဲ့ အစီ အစဉ် တခု လုပ် တယ်..။ ည နေ ဆွမ်း ဂျိုင့်  တွေ လာ ပို့  ကတည်းက ကျောင်း ရှိ သံ ဃာ ဦး ရေ နဲ့ တွက် ပြီး ဆွမ်း ဆန် လှူ လိုက် တယ်...။``စစ် အုပ် ချုပ် ရေး အောက် မှာ ဆွမ်း ချက် မလောင်း နိုင် လို့ပါ´´လို့ လဲ ပြော လိုက်
သေးတယ်....။ ဆွမ်းဟင်း က တော့ ခါ တိုင်း လို မနက် မိုး လင်း မှ ဘုန်း ကြီး ကျောင်းသား တွေက လာ ယူကြတယ်။
အဲ ဒီ ကတည်း ကဆွမ်း မလောင်းဖြစ် ကြတာ...။ သမီး တို့ တွေကို မွေးတော့.. ကလေး တွေ လဲ ၀ါတွင်း ဆွမ်း လောင်း ဖူးကြ အောင် ဆိုပြီး.. ဒေါ် လေးတို့ ညီ အမ တွေ စုပေါင်း ဆွမ်းပြန် လောင်း ကြတာ...(၅) နှစ် ရှိဘီလေ.....။
ခေတ် အခြေ အနေ အရ ငယ် ငယ် တုန်း က လို ရွာ ကအ မျိုး တွေ မှာ ဖို့နေ နေသာသာ.. ကိုယ့် ညီ အမ တွေတောင် အကုန် မဆုံ နိုင် ကြလို့ ...အိမ် မှာ မလုပ်ဖြစ် ဘဲ ...လမ်းထိပ်က ၀ါ တွင်းဆွမ်း ရုံ ကလေး မှာ ဘဲ အလှူ ငွေ အပ် ပြီး လောင်းကြ ရတယ်..။ ဒီ ၀ါတွင်း ဆွမ်း လောင်း ရုံ ကလေး က ရပ် ဝေး ရောက် နေတဲ့ အလှူ ရှင် တွေ ကိုယ်တိုင် မလုပ်နိုင် တဲ့ သူ တွေ ဆွမ်း လောင်း နိုင် အောင် စီစဉ် ဆွမ်း လောင်း ပေးလာတာ နှစ် (၇၀) တောင် ကျော်လာ ဘီ တဲ့...။ လမ်းသူ လမ်းသား တွေ က ၀ိုင်း ကာဝန်းကာ လက် ဆင့် ကမ်း ဒါ နပြု လာ ကြတာ...။ နောက် ပြီး တမြို့  လုံးက ဆွမ်းလောင်းရုံ တွေ ထက် ထူး တာ က....ဆိုင်း ၀ိုင်းက လေးတခု အမြဲ ပါတယ်...။ ဆွမ်း မလောင်း ခင် ည နေချက် ပြုတ် နေက ထဲက ဗျော စခေါက် တယ်..။ မနက် အရုဏ် ဆွမ်း ထလောင်း ရင် လည်း ဗျော သံ ကလေး တဗြုန်းဗြုန်း နဲ့...စိတ် ကြည် နူးစရာ။
နောက် ဆုံး ရေစက်ချ အမျှ ဝေ တဲ့ အထိ ဗျော သံလေး နဲ့..။ ကျေး လက်ဝိုင်းကလေးပေ မယ့် နားထောင် လို့ သိပ်ကောင်း တာ..။ ဟိုးတုံန်းက VOA မှာ အမှူထမ်းခဲ့ တဲ့ ဒေါ် လေးတို့ မြို့သား ဘိုးလေး ဦးပါ က တောင် အသံသွင်းသွားပြီး ဗွီအို အေ ကနေ အသံလွှင့်သွားခဲ့သေးသတဲ့..။
ခု နှစ် ဆွမ်း လောင်းကို တော့ ဘုန်းကြီး တွေ အပြောင်းအလည်းလေး ဆွမ်းဘုဉ်း ပေး နိုင် နေအာင် ငါးခြောက် ထောင်းနဲ့ သီးစုံ ပဲ ကုလားဟင်း လေး လောင်း ဖြစ်တယ်..။ ငါး ခြောက် (၁၂) ပိသာ ကို ပြုတ်..။ အရိုးထွင်..ထောင်း...ကြက်သွန် နီ ပိသာချိန်(၄၀) ကို အခွံ သင် ...လှီး ရတဲ့ အလုပ် က အင် မတန် လက်ဝင် တာ လေ..။ ကြက် သွန် နီ တွေ ဈေး ကျလို့ ဧ ရာ ၀တီမြစ် ထဲ သွန် မှာ တွေ သွား သယ် လာ တာ ထင် တယ် လို့ ဆွမ်းရုံက လူ တွေက နောက်ကျ ပြောင် ကျသေးတယ်..း) အကုန် အကျသက်သာတာတော့ အမှန်ဘဲ။ ဒါ ပေ မယ့် ဒေါ်လေးတို့ ဆွမ်းရုံ ကလေးရဲ့  ချစ် စရာ ကောင်း တဲ့ ဓ လေ့ လေး ကို သမီး လဲ ကြုံ ဖူး သား ဘဲ နော်...။အလှူ ရှင် တွေ လောင်းချင် တဲ့ ဆန္ဒ ကို ဘယ် တော့ မှ မငြို ငြင် ဘူး။ ဖြစ် အောင် ၀ိုင်းကြ ၀န်းကြတာဘဲ...။ရီ ရီ မော မော...ပြော ပြော ဆို ဆို နဲ့ ဘဲ...အလှူ ပြီးေ မြာက် အောင် ကူ ညီ ကြတာ...။သူ တို့ ကို တော့ ကြာဇံ ချက် ကောင်း ကောင်း လေးချက် ပြီး ကျေး ဇူး တုန့် ပြန် ခဲ့ ပါတယ်။
အော် ...တိုက် ဆိုင် တာ ပြောရ ဦး မယ်...။ ဒေါ် လေး တို့ ဆွမ်း လောင်း က နှစ် တိုင်း ဒု တိယ ပါတ် တနင်္ဂနွေ ကို ဆွမ်း လောင်းရက် ယူထားတာ လေ...။ မနှစ်က အာ ဇာ နည် နေ့ နဲ့  သွား တိုက် ဆိုင် တယ်..။ ဒီ နှစ်ကတော့....ရှစ် လေးလုံး အရေး တော်ပုံ (၂၂) နှစ် မြောက် နေ့ နဲ့ သွားပြီး တိုက် ဆိုင် ပါတယ်...။ ။
No comments:
Post a Comment